കൊവിഡിന്റെ പശ്ചാത്തലത്തിൽ റദ്ദാക്കപ്പെട്ട സി.ബി.എസ്.ഇ പന്ത്രണ്ടാം ക്ലാസ് പരീക്ഷയുടെ മൂല്യനിർണയത്തിലെ മാനദണ്ഡം 13 അംഗ കമ്മറ്റി നാളെ സുപ്രീം കോടതിയിൽ സമർപ്പിക്കും.
പത്താം ക്ലാസ്സ് പരീക്ഷ മാർക്കും പതിനൊന്നാം ക്ലാസ് പരീക്ഷ മാർക്കും 12-ാം ക്ലാസ് പ്രീ ബോർഡ് പരീക്ഷ മാർക്കുമാണ് പരിഗണിക്കുകയെന്ന് 13 അംഗ കമ്മറ്റി വ്യക്തമാക്കിയിരുന്നു.30:30:40 എന്ന അനുപാതത്തിലായിരിക്കും മാർക്ക് നിർണയിക്കുക.
പത്താം ക്ലാസ്, പതിനൊന്നാം ക്ലാസ് പരീക്ഷയുടെ 30% മാർക്ക് വീതവും , 12-ാം ക്ലാസ് പ്രീ ബോർഡ് പരീക്ഷ മാർക്കിന്റെ 40%വും അടിസ്ഥാനമാക്കിയാണ് മൂല്യനിർണയം എന്നാണ് സൂചന.നേരത്തെ 12-ാം ക്ലാസിലെ ഇന്റേണൽ മാത്രം പരിഗണിക്കുക എന്ന നിലപാടാണ് സമിതി ആദ്യം കൈകൊണ്ടത്.
എന്നാൽ എല്ലാ സ്കൂളുകളുടെയും നിലവാരം ഒരുപോലെയല്ലെന്ന് ചൂണ്ടികാട്ടി 10-ാം ക്ലാസ് പരീക്ഷയുടെ മാർക്കും പരിഗണിക്കണമെന്ന് നിർദേശം വന്നിരുന്നു.തുടർന്ന് 11-ാം ക്ലാസ്സിലെ അവസാന മാർക്കും പരിഗണിക്കണമെന്നും തീരുമാനമെടുത്തു.
ഇതിനു ശേഷമുള്ള ചർച്ചകൾക്ക് ശേഷമാണ് 12-ാം ക്ലാസ്സിലെ പ്രീ ബോർഡ് പരീക്ഷ മാർക്ക് കൂടി പരിഗണിക്കുമെന്ന് തീരുമാനമെടുത്തത്.ജൂലൈ 15 ഓടു കൂടി മാർക്ക് നിർണയം പൂർത്തിയാക്കി ഫലം പ്രസിദ്ധീകരിക്കാനാണ്
സി.ബി.എസ്.ഇ ആലോചിക്കുന്നത്.
കൈരളി ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
