ആരാധകര് ഏറെ പ്രതീക്ഷയോടെ കാത്തിരിക്കുന്ന മോഹന്ലാല്, പ്രിയദര്ശന് ചിത്രം ‘മരക്കാര്- അറബിക്കടലിന്റെ സിംഹം’ ആഗ്സ്റ്റ് 12 ന് ഓണം റിലീസ് ആയി തിയേറ്ററുകളില് എത്തും. മോഹന്ലാല് തന്നെയാണ് ഇക്കാര്യം സോഷ്യല് മീഡിയയിലൂടെ അറിയിച്ചിരിക്കുന്നത്.
ആരാധകര് ഏറെ പ്രതീക്ഷയോടെ കാത്തിരിക്കുന്ന മോഹന്ലാല്, പ്രിയദര്ശന് ചിത്രം ‘മരക്കാര് അറബിക്കടലിന്റെ സിംഹം’. ആഗ്സ്റ്റ് 12 ന് ഓണം റിലീസ് ആയി തിയറ്ററുകളില് എത്തുമെന്ന് നിര്മാതാവ് ആന്റണി പെരുമ്പാവൂര്.
കഴിഞ്ഞ മാര്ച്ചിലാണ് റിലീസ് പ്രഖ്യാപിച്ചിരുന്നത്. കൊവിഡും ലോക്ഡൗണും കാരണം സിനിമാ റിലീസ് മുടങ്ങുകയായിരുന്നു. ഇപ്പോള് ഫേസ്ബുക്ക് പോസ്റ്റിലൂടെയാണ് ഇക്കാര്യം ആന്റണി പെരുമ്പാവൂര് അറിയിച്ചിരിക്കുന്നത്.
”സ്നേഹത്തോടെ, നിറഞ്ഞ മനസ്സോടെ പ്രതീക്ഷിക്കുകയാണ്, ഈ വരുന്ന ഓഗസ്റ്റ് 12ന്, ഓണം റിലീസ് ആയി ‘മരക്കാര് അറബിക്കടലിന്റെ സിംഹം’ നിങ്ങളുടെ മുന്നിലെത്തിക്കാന് ഞങ്ങള്ക്ക് കഴിയുമെന്ന്.. അതിനു നിങ്ങളുടെ പ്രാര്ഥനയും പിന്തുണയും ഉണ്ടാകുമെന്ന വിശ്വാസത്തോടെ ഞങ്ങള് മുന്നോട്ട് നീങ്ങുന്നു,” എന്നാണ് മോഹന്ലാല് കുറിക്കുന്നത്. കോവിഡിന്റെ പശ്ചാത്തലത്തില് ചിത്രത്തിന്റെ റിലീസിംഗ് നീണ്ടുപോവുകയായിരുന്നു. അതിനിടയിലാണ് പ്രേക്ഷകര്ക്ക് സന്തോഷകരമായ ഈ വാര്ത്ത താരം പങ്കുവച്ചത്. മലയാളം, തമിഴ്, ഹിന്ദി എന്നിങ്ങനെ മൂന്നു ഭാഷകളിലാണ് ചിത്രം പ്രദര്ശനത്തിന് എത്തുക.
സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരക്കാറുടെ കഥയാണ് ചിത്രം പറയുന്നത്. ചരിത്രവും ഭാവനയും കൂടിക്കലര്ന്ന ചിത്രമായിരിക്കും ‘മരക്കാര്’ എന്ന് മുന്പ് പ്രിയദര്ശന് വെളിപ്പെടുത്തിയിരുന്നു. കുഞ്ഞാലി മരക്കാര് നാലാമനായാണ് മോഹന്ലാല് ചിത്രത്തില് എത്തുന്നത്. മഞ്ജു വാര്യര് നായികയാവുന്ന ചിത്രത്തില് ആക്ഷന് കിംഗ് അര്ജുന്, സുനില് ഷെട്ടി, സിദ്ധിഖ്, പ്രഭു, ബാബുരാജ്, കീര്ത്തി സുരേഷ്, കല്യാണി പ്രിയദര്ശന്,പ്രണവ് മോഹന്ലാല്, കല്യാണി പ്രിയദര്ശന് എന്നു തുടങ്ങി വന്താരനിര തന്നെ അണിനിരക്കുന്നുണ്ട്. ഒപ്പം സൗത്ത് ഇന്ത്യയിലെയും ബോളിവുഡിലെയും താരങ്ങളും ബ്രിട്ടീഷ്, ചൈനീസ് നടീനടന്മാരും ചിത്രത്തിലുണ്ടാവും. ചിത്രത്തില് കുഞ്ഞാലി മരക്കാര് ഒന്നാമനായി എത്തുന്നത് മധുവാണ്.
നൂറുകോടി മുതല് മുടക്കില് മലയാളത്തില് ഒരുങ്ങുന്ന ചിത്രത്തില് മോഹന്ലാലിന്റെ നായകകഥാപാത്രത്തിന്റെ ചെറുപ്പം അവതരിപ്പിക്കുന്നത് പ്രണവ് മോഹന്ലാലാണ്. സമ്പന്നമായ താരനിരയ്ക്കൊപ്പം പുതു തലമുറയുടെ ഒത്തുചേരല് കൂടിയാണ് ചിത്രം. കളിക്കൂട്ടുകാരായ പ്രണവ് മോഹന്ലാലും കല്ല്യാണി പ്രിയദര്ശനും ‘മരക്കാറി’ല് ഒന്നിച്ച് അഭിനയിക്കുന്നുമുണ്ട്.
‘ഒപ്പം’ എന്ന ചിത്രത്തിനു ശേഷം മോഹന്ലാലും പ്രിയദര്ശനും വീണ്ടുമൊന്നിക്കുന്ന ചിത്രം എന്ന പ്രത്യേകതയും ചിത്രത്തിനുണ്ട്. തിരു ചിത്രത്തിന്റെ ഛായാഗ്രഹണവും സാബു സിറില് കലാസംവിധാനവും നിര്വ്വഹിച്ചിരിക്കുന്നു. സിനിമയുടെ 75 ശതമാനം ഭാഗങ്ങളും റാമോജി ഫിലിം സിറ്റിയിലാണ് ചിത്രീകരിച്ചത്.
ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂര്, കോണ്ഫിഡന്റ് ഗ്രൂപ്പിന്റെ ബാനറില് ഡോക്ടര് സി ജെ റോയ്, മൂണ്ഷോട്ട് എന്റെര്റ്റൈന്മെന്റിന്റെ ബാനറില് സന്തോഷ് ടി കുരുവിള എന്നിവര് ചേര്ന്നാണ് ഈ ബിഗ് ബജറ്റ് ചിത്രം നിര്മ്മിക്കുന്നത്. റോണി റാഫേല് സംഗീതവും രാഹുല് രാജ് പശ്ചാത്തലസംഗീതവും ഒരുക്കുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here