ഏറെ നാളുകള്‍ക്ക് ശേഷം പൃഥിരാജ് പൊലീസ് വേഷത്തിലെത്തുന്ന സസ്‌പെന്‍സ് ക്രൈം ത്രില്ലര്‍ കോള്‍ഡ് കേസിന്റെ റിലീസ് തീയതി പ്രഖ്യാപിച്ചു. ആമസോണ്‍ പ്രൈമില്‍ ജൂണ്‍ 30നാണ് ചിത്രം പുറത്തിറങ്ങുന്നത്. നേരത്തെ തിയറ്റര്‍ റിലീസായി ആലോചിച്ചിരുന്ന സിനിമ കൊവിഡ് പ്രതിസന്ധിയെ തുടര്‍ന്ന് സിനിമാശാലകള്‍ അടഞ്ഞു കിടന്നതോടെ ഒ.ടി.ടി റിലീസായി പ്രഖ്യാപിക്കുകയായിരുന്നു. നിര്‍മാതാവ് ആന്റോ ജോസഫ് ദിവസങ്ങള്‍ക്ക് മുമ്പ് ഫിലിം എക്സിബിറ്റേഴ്സ് ഫെഡറേഷന്‍ ജനറല്‍ സെക്രട്ടറിക്ക് ഇതുമായി ബന്ധപ്പെട്ട്? കത്തയച്ചിരുന്നു.
എ.സി.പി സത്യജിത് എന്ന പൊലീസ് ഉദ്യോഗസ്ഥന്റെ വേഷത്തിലാണ് ചിത്രത്തില്‍ പൃഥ്വിരാജ് എത്തുന്നത്. പരസ്യചിത്ര നിര്‍മ്മാണ മേഖലയില്‍ സജീവമായ നവാഗതനായ തനു ബാലക് സംവിധാനം ചെയ്ത കോള്‍ഡ് കേസില്‍ അതിഥി ബാലനാണ് നായിക. ശ്രീനാഥിന്റെ തിരക്കഥക്ക് ഗിരീഷ് ഗംഗാധരനും ജോമോന്‍ ടി. ജോണും ചേര്‍ന്നാണ് ഛായാഗ്രഹണം. കലാസംവിധാനം അജയന്‍ ചാലിശ്ശേരി, പ്രൊഡക്ഷന്‍ കണ്‍ട്രോളര്‍ ബാദുഷ. നിര്‍മ്മാണം ആന്റോ ജോസഫ്, ജോമോന്‍ ടി. ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ്. ‘ഇരുള്‍’ എന്ന ഫഹദ് ഫാസില്‍ ചിത്രത്തിന് ശേഷം മൂവരും നിര്‍മിക്കുന്ന ചിത്രമാണ് ‘കോള്‍ഡ് കേസ്’.
കോള്‍ഡ് കേസ് അടക്കം ആറ് സിനിമാ-സീരീസുകളാണ് ഈ മാസം ആമസോണ്‍ പ്രൈം റിലീസ് ചെയ്യുന്നത്. സിനിമാ-സീരീസുകളുടെ റിലീസ് തിയതികള്‍ ഉള്‍പ്പെടുന്ന ടീസറും ആമസോണ്‍ പുറത്തിറക്കിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
