ഇന്ത്യന് അത്ലറ്റിക് ഇതിഹാസം മില്ഖാ സിങ് അന്തരിച്ചു. 91 വയസ്സായിരുന്നു. കൊവിഡാനന്തരം ഉണ്ടായിരുന്ന ആരോഗ്യ പ്രശ്ങ്ങളാണ് മരണ കാരണം. ശരീരത്തിലെ ഓക്സിജന്റെ അളവ് ക്രമാതീതമായി കുറഞ്ഞതിനെ തുടര്ന്ന് മില്ഖാ സിങ്ങിനെ ചണ്ഡീഗഡിലെ ആശുപത്രിയില് തീവ്രപരിചരണ വിഭാഗത്തില് പ്രവേശിപ്പിച്ചിരുന്നു. എന്നാല് പിന്നീട് ആരോഗ്യസ്ഥിതി കൂടുതല് വഷളാകുകയായിരുന്നു.
നേരത്തെ കൊവിഡ് ബാധിച്ച് രോഗമുക്തി നേടിയിരുന്നെങ്കിലും. ഡിസ്ച്ചാര്ജ് ആയശേഷം ശരീരത്തിലെ ഓക്സിജന്റെ അളവ് കുറഞ്ഞതിനെ തുടര്ന്ന് വീണ്ടും ഐസിയുവില് പ്രവേശിപ്പിച്ചിരുന്നു. പിന്നീട് ആരോഗ്യം വീണ്ടെടുത്തതിനെ തുടര്ന്ന് മില്ഖാ സിങ്ങ് ചണ്ഡീഗഡിലെ വീട്ടില് ഐസൊലേഷനില് കഴിയുകയായിരുന്നു.അതിനിടെ ശ്വാസതടസ്സം കലശമായതോടെയാണ് വീണ്ടും ചണ്ഡിഗഢിലെ പിജിമെര് ആശുപത്രിയില് പ്രവേശിപ്പിച്ചത്.എന്നാല് ആരോഗ്യനില വഷളാവുകയും വെള്ളിയാഴ്ച്ച രാത്രി 11.30യോടെ മരണം സ്ഥിരീകരിക്കുകയുമായിരുന്നു.
ഇതിനിടയില് ജൂണ് പതിനാലിന് മില്ഖാ സിങ്ങിന്റെ ഭാര്യയും ഇന്ത്യന് വോളിബോള് ടീമിന്റെ മുന്ക്യാപ്റ്റനുമായ നിര്മല് കൗറും കൊവിഡ് ബാധിച്ച് മരിച്ചിരുന്നു. മൊഹാലിയിലെ ആശുപത്രിയില് ചികിത്സയിലിരിക്കെയാണ് മരിച്ചത്. ‘പറക്കും സിഖ്’ എന്ന് വിശേഷിപ്പിക്കപ്പെടുന്ന മില്ഖാ സിംഗ് രാജ്യം കണ്ട എക്കാലത്തെയും മികച്ച അത്ലറ്റായാണ് വിലയിരുത്തപ്പെടുന്നത്.
400 മീറ്ററില് ഏഷ്യന് ഗെയിംസിലും കോമണ്വെല്ത്ത് ഗെയിംസിലും സ്വര്ണം നേടിയ ഏക ഇന്ത്യന് അത്ലറ്റാണ് മില്ഖാ സിംഗ്. നാല് തവണ ഏഷ്യന് ഗെയിംസില് സ്വര്ണം നേടി. 1960 ലെ റോം ഒളിംപിക്സില് 400 മീറ്റര് ഓട്ടത്തില് നാലാം സ്ഥാനത്തെത്തി. വെറും 0.1 സെക്കന്ഡ് വ്യത്യാസത്തിലാണ് മെഡല് നഷ്ടമായത്. രാജ്യം 1958ല് പദ്മശ്രീ നല്കി ആദരിച്ചു.
കൈരളി ഓണ്ലൈന് വാര്ത്തകള് വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here