സംസ്ഥാനത്തിന് 9,85,490 ഡോസ് വാക്സിന് കൂടി ലഭ്യമായതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. സംസ്ഥാനം വാങ്ങിയ 1,32,340 ഡോസ് കൊവിഷീല്ഡ് വാക്സിനും കേന്ദ്രം അനുവദിച്ച 6 ലക്ഷം കൊവീഷീല്ഡ് വാക്സിനുമാണ് ലഭിച്ചത്. തിരുവനന്തപുരം, കൊല്ലം, കോഴിക്കോട് എന്നിവിടങ്ങളില് ഇന്നലെയാണ് 6 ലക്ഷം ഡോസ് വാക്സിന് എത്തിച്ചത്.
നേരത്തെ കെ എം എസ് സി എല് മുഖേന ഓര്ഡര് നല്കിയ സംസ്ഥാനത്തിന്റെ വാക്സിന് എറണാകുളത്താണ് എത്തിയത്. ഇതുകൂടാതെ 97,500 ഡോസ് കോവാക്സിനും 1,55,650 കൊവിഷീല്ഡ് വാക്സിനും ഇന്ന് രാത്രിയോടെ തിരുവനന്തപുരത്ത് എത്തുന്നതാണ്. കൊവാക്സിന് എത്തുന്നത് കൊവാക്സിന് രണ്ടാം ഡോസ് എടുക്കുന്നവര്ക്ക് ഏറെ സഹായകരമാകുമെന്നും മന്ത്രി വ്യക്തമാക്കി.
സംസ്ഥാനത്തിനാകെ 1,21,75,020 ഡോസ് വാക്സിനാണ് ലഭ്യമായത്. അതില് 12,04,960 ഡോസ് കൊവിഷീല്ഡ് വാക്സിനും 1,37,580 ഡോസ് കൊവാക്സിനും ഉള്പ്പെടെ ആകെ 13,42,540 ഡോസ് വാക്സിനാണ് സംസ്ഥാനം വാങ്ങിയത്. 97,90,330 ഡോസ് കൊവിഷീല്ഡ് വാക്സിനും 10,42,150 ഡോസ് കൊവാക്സിനും ഉള്പ്പെടെ ആകെ 1,08,32,480 ഡോസ് വാക്സിന് കേന്ദ്രം നല്കിയതാണ്.
കൈരളി ഓണ്ലൈന് വാര്ത്തകള് വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here