ചികിത്സാ രീതികളിലൂടെ വിവാദങ്ങൾ സൃഷ്ടിച്ച മോഹനൻ വൈദ്യർ മരിച്ചു. തിരുവനന്തപുരം കാലടിയിലുള്ള ബന്ധുവീട്ടിലാണ് കുഴഞ്ഞുവീണ് മരിച്ച നിലയിൽ കാണപ്പെട്ടത്. 65 വയസ്സായിരുന്നു. രണ്ടു ദിവസമായി പനിയും ശ്വാസതടസ്സവും ഉണ്ടായിരുന്നതായി ബന്ധുക്കൾ പൊലീസിന് മൊഴി നൽകി. മൃതദേഹം മെഡിക്കൽ കോളേജിലേക്ക് മാറ്റി.
ആലപ്പുഴ സ്വദേശിയാണ്. കൊവിഡ് പരിശോധന അടക്കം നടത്തിയ ശേഷമായിരിക്കും മൃതദേഹം ബന്ധുക്കള്ക്ക് വിട്ടുകൊടുക്കുക.
വ്യാജ ചികിത്സ നടത്തിയതിന്റെ പേരില് മോഹനന് വൈദ്യര്ക്കെതിരെ നിരവധി കേസുകളുണ്ട്. കൊവിഡിന് ചികിത്സ നടത്തിയതിന്റെ പേരില് ഇയാള്ക്കെതിരെ കേസെടുക്കുകയും അറസ്റ്റ് ചെയ്യുകയും ചെയ്തിരുന്നു.
തൃശ്ശൂര് പട്ടിക്കാട്ടെ ആയുര്വേദ ചികിത്സാ കേന്ദ്രത്തിന് ലൈസന്സ് ഇല്ലെന്നും കണ്ടെത്തിയിരുന്നു. ചികിത്സ നടത്തുന്നവര്ക്ക് മതിയായ യോഗ്യതയില്ലെന്ന് കണ്ടെത്തുകയും വിതരണം ചെയ്ത മരുന്നുകള്ക്ക് കൃത്യമായ പേരോ വിവരങ്ങളോ ഉണ്ടായിരുന്നില്ലെന്നും ഉദ്യോഗസ്ഥര് വ്യക്തമാക്കിയിരുന്നു.
കൈരളി ഓണ്ലൈന് വാര്ത്തകള് വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here