രാമനാട്ടുകര വാഹനാപകടത്തിൽ മരിച്ചവർക്ക് ക്രിമിനൽ പശ്ചാത്തലം ഉണ്ടെന്ന് ചെർപ്പുളശ്ശേരി പൊലീസ്. കൊല്ലപ്പെട്ട താഹിർ വാഹനം തട്ടിക്കൊണ്ടുപോകൽ, ഭീഷണിപ്പെടുത്തൽ തുടങ്ങിയ കേസുകളിലെ പ്രതിയാണ്.
മരിച്ച നാസറിനെതിരെയും ചെർപ്പുളശ്ശേരി പൊലീസ് സ്റ്റേഷനിൽ കേസുണ്ട്. ചരൽ ഫൈസൽ എന്നയാൾക്ക് എസ്കോർട്ട് പോയ സംഘമാണ് അപകടത്തിൽപ്പെട്ടത് എന്നാണ് സൂചന. ഫൈസലിനെതിരെയും നിരവധി പരാതികൾ ചെർപ്പുളശ്ശേരിയിൽ ഉണ്ട്.
രാമനാട്ടുകര അപകടത്തിലെ യാത്രാ സംഘം സ്വർണ്ണം കടത്തുന്നവരെ കൊള്ളയടിക്കുന്നവരെന്ന് റിപ്പോർട്ട്.സ്വർണ കടത്തിനായി TDY എന്ന വാട്സ്ആപ് ഗ്രൂപ്പ് ഉണ്ടാക്കി ഇടനിലക്കാരായി പ്രവർത്തിക്കുന്നത്.15 വണ്ടികൾ അടങ്ങിയ സംഘമാണ് ഈ ഗ്രൂപ്പിലുള്ളത്.
അതേസമയം ആക്സിഡൻ്റ് കേസ് ഫറോക്ക് പൊലീസ് അന്വേഷിക്കും. സ്വർണക്കടത്തുമായി ബന്ധപ്പെട്ട ദുരൂഹതകൾ കൊണ്ടോട്ടി പൊലീസ് അന്വേഷിക്കുമെന്നാണ് വിവരം.
ഇന്ന് പുലർച്ചെയാണ് കോഴിക്കോട് രാമനാട്ടുകരയില്‍ കാറും ലോറിയും കൂട്ടിയിടിച്ചുണ്ടായ അപകടത്തില്‍ അഞ്ചുപേർ മരിച്ചത് . രാമനാട്ടുകര പുളിഞ്ചോടിനടുത്ത് ഇന്ന് പുലര്‍ച്ചെയോടെയാണ് അപകടമുണ്ടായത്.
ചെര്‍പ്പുളശ്ശേരി സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്.അപകടത്തില്‍ കാറിലുണ്ടായിരുന്ന അഞ്ചുപേരും മരിച്ചു.
തുടർന്ന് രാമനാട്ടുകര അപകടത്തിൽ ദുരുഹതയുണ്ടെന്ന് സിറ്റി പൊലീസ് കമ്മീഷണർ എ വി ജോർജ് പറഞ്ഞു. മൂന്ന് വാഹനങ്ങളിൽ ഒരുമിച്ച് എയർപോർട്ടിൽ എത്തിയത് 15 അംഗ സംഘമായിരുന്നുവെന്നും ഇതിൽ 6 പേരെ ചോദ്യം ചെയ്യുകയും ചെയ്തു.
കൈരളി ഓണ്‍ലൈന്‍ വാര്‍ത്തകള്‍ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
