ബോളിവുഡ് സൂപ്പർ താരം അമിതാഭ് ബച്ചന്റെ അപരനായ പൂനെ നിവാസി ശശികാന്ത് പെധ്വാൾ സമൂഹ മാധ്യമങ്ങളിൽ പങ്കു വച്ച വീഡിയോയാണ് വൈറൽ ആയിരിക്കുന്നത്. 78 വയസ്സിന്റെ നിറവിൽ നിൽക്കുന്ന അമിതാഭ് ബച്ചന് പോലും ഇപ്പോൾ ഇത്ര മനോഹരമായി തന്റെ പഴയ കാല ചുവടുകൾ പുനരാവിഷ്കരിക്കാൻ കഴിഞ്ഞെന്ന് വരില്ലെന്നാണ് വീഡിയോ കണ്ട ആരാധകർ പ്രതികരിച്ചത്.
യാദൃശ്ചികമായി ശശികാന്തിന്റെ വീഡിയോ കണ്ട പ്രിയദര്ശന് പോലും അപരൻ ആണെന്ന് വിശ്വസിക്കാനായില്ല. പിന്നീട് സത്യമാണോ എന്നറിയാന്‍ അഭിഷേക് ബച്ചനെ ഫോൺ വിളിച്ചു ബോധ്യപ്പെടുകയായിരുന്നുവെന്നാണ് വീഡിയോ ഫേസ്ബുക്കിൽ പങ്കു വച്ച് പ്രിയദർശൻ കുറിച്ചിരിക്കുന്നത്.
ബിഗ് ബിയുടെ ഹെയർസ്റ്റൈലും താടിയും വേഷവും മാത്രമല്ല സ്വതസിദ്ധമായ നൃത്ത ചുവടുകളും മുഖഭാവങ്ങളും വരെ കൃത്യമായി അനുകരിച്ചാണ് ശശികാന്ത് ടിക് ടോക് താരമായിരിക്കുന്നത്
കൈരളി ഓണ്‍ലൈന്‍ വാര്‍ത്തകള്‍ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
