നാളെമുതൽ സംസ്ഥാനത്ത് സർവ്വകലാശാല ബിരുദ പരീക്ഷകൾ ആരംഭിക്കുന്ന സാഹചര്യത്തിൽ വിദ്യാർഥികൾക്ക് യാത്ര ബുദ്ധിമുട്ടുകൾ പരിഹരിക്കാൻ സ്നേഹവണ്ടികൾ ഒരുക്കുമെന്ന് ഡിവൈഎഫ്ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.
കൊവിഡ് ഭീതി നിലനിൽക്കുന്നതിനാൽ പൊതുഗതാഗതം പൂർണ്ണമായും പുനഃസ്ഥാപിച്ചിട്ടില്ല. കൊവിഡ് പ്രോട്ടോകോൾ പാലിച്ച് പരീക്ഷയ്ക്കുള്ള ക്രമീകരണങ്ങൾ സർവ്വകലാശാലകൾ ഒരുക്കി കഴിഞ്ഞെങ്കിലും യാത്രയുമായി ബന്ധപ്പെട്ട് വിദ്യാർത്ഥികളും രക്ഷിതാക്കളും ആശങ്കയിലാണ്. ഇത് പരിഹരിക്കാൻ സംസ്ഥാന വ്യാപകമായി സ്നേഹവണ്ടികൾ ഡിവൈഎഫ്ഐ ക്രമീകരിക്കും.
കൊവിഡ് പോസിറ്റീവ് ആയ വിദ്യാർത്ഥികൾക്കും ഒപ്പം പൊതുഗതാഗതം ലഭ്യമല്ലാത്ത മറ്റ് വിദ്യാർത്ഥികൾക്കും സേവനം ലഭ്യമാക്കും. പ്രാദേശികമായി ബന്ധപ്പെടാനുള്ള നമ്പരുകൾ പ്രസിദ്ധീകരിക്കും.ഈ മഹാമാരിയെ നമുക്ക് ഒന്നിച്ച് മറികടക്കേണ്ടത്തുണ്ട്. തെല്ലും ആശങ്കയില്ലാതെ വിദ്യാർഥികൾക്ക് പരീക്ഷ സ്ഥലത്തേക്ക് എത്താൻ ഡിവൈഎഫ്ഐ സാഹചര്യം ഒരുക്കും. ഇതിനായി ഡിവൈഎഫ്ഐ വോളണ്ടിയർമാർ രംഗത്തിറങ്ങണമെന്നും സംസ്ഥാന സെക്രട്ടറിയേറ്റ് അഭ്യർത്ഥിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
