മലയാളത്തിലെ ആദ്യത്തെ ടെക്നോ ഹൊറര് സിനിമയായ ചതുര്മുഖം 25ാമത് ബുച്ചണ് ഇന്റര്നാഷണല് ഫന്റാസ്റ്റിക്ക് ഫിലിം ഫെസ്റ്റിവലിലേയ്ക്ക് തെരഞ്ഞെടുക്കപ്പെട്ടു. വിവിധ രാജ്യങ്ങളില് നിന്നും മികച്ച ഹൊറര്, മിസ്റ്ററി, ഫാന്റസി ജോണറിലുള്ള സിനിമകള്ക്കായുള്ള ഫെസ്റ്റിവലാണിത്.
‘ദി വെയ്ലിങ്’ എന്ന പ്രസിദ്ധകൊറിയന് സിനിമയുടെ സംവിധായകനായ നാ ഹോങ്ജിനും ‘ഷട്ടര്’ എന്ന ഹൊറര് സിനിമയുടെ സംവിധായകനായ ബാഞ്ചോങ് പിസന്തനാകുനും ചേര്ന്നൊരുക്കിയ ‘ദി മീഡീയം’ ഉള്പ്പടെ 47 രാജ്യങ്ങളില് നിന്നായി 258 സിനിമകളാണ് ഫെസ്റ്റിവലില് തെരഞ്ഞെടുക്കപ്പെട്ടിരിക്കുന്നത്. ഇന്ത്യയില് നിന്ന് ആകെ മൂന്നു സിനിമകളാണ് ഫെസ്റ്റിവലില് ഉള്ളത്. പ്രഭു സോളമന്റെ ‘ഹാത്തി മേരാ സാത്തി’, മിഹിര് ഫഡ്നാവിസിന്റെ ‘ച്യൂയിംഗ് ഗം’ എന്നിവയാണ് മറ്റു രണ്ടു ചിത്രങ്ങള്.
വേള്ഡ് ഫന്റാസ്റ്റിക്ക് റെഡ് കാറ്റഗറിയിലാണ് ചതുര്മുഖം പ്രദര്ശിപ്പിക്കുന്നത്. രഞ്ജീത്ത് കമല ശങ്കര്, സലില് വി എന്നീ നവാഗതര് സംവിധാനം ചെയ്ത ചതുര്മുഖം ഏപ്രില് 8നാണ് കേരളത്തിലെ തിയറ്ററുകളില് റിലീസ് ആയത്. നല്ല റിവ്യൂസും പ്രേക്ഷകപ്രീതിയും സിനിമയ്ക്ക് ലഭിച്ചിരുന്നു. കൊവിഡ് രൂക്ഷമാവുകയും സെക്കന്റ് ഷോ നിര്ത്തലാക്കുകയും ചെയ്ത സാഹചര്യത്തില് പ്രദര്ശനശാലകളില് നിന്ന് ചിത്രം പിന്വലിക്കുകയായിരുന്നു.
മഞ്ജുവാര്യര്, സണ്ണി വെയിന്, അലന്സിയര് എന്നിവര് പ്രധാന വേഷങ്ങളില് അഭിനയിച്ച ചതുര്മുഖം രചിച്ചിരിക്കുന്നത് അഭയകുമാര് കെ, അനില് കുര്യന് എന്നിവരാണ്. ജിസ് ടോംസ് മൂവീസ്, മഞ്ജു വാര്യര് പ്രൊഡക്ഷന്സ് എന്നീ ബാനറുകളില് ചിത്രം നിര്മ്മിച്ചിരിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here