പൂലന്തറ ശാന്തിഗിരിയ്ക്ക് സമീപം ലോറിയും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ സ്‌കൂട്ടര്‍ യാത്രക്കാരനായ പ്ലസ് ടു വിദ്യാര്‍ഥി മരിച്ചു. സഹയാത്രികന് ഗുരുതര പരുക്കേറ്റു. ചെമ്പഴന്തി എച്ച്‌എസ്‌എസിലെ പ്ലസ് ടു വിദ്യാര്‍ഥി ശ്രീകാര്യം കരിയം കല്ലുവിള ശ്രീകല ഭവനില്‍ ശ്രീജേഷ് മഹേന്ദ്രന്‍(18) ആണ് മരിച്ചത്.
ബൈക്ക് ഓടിച്ചിരുന്ന കരിയം സ്വദേശിയായ അനന്തവുവിനെ വെഞ്ഞാറമൂട്ടിലെ സ്വകാര്യ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാവിലെ ആറോടെ സോഫ്റ്റ് ബോള്‍ കളിച്ച ശേഷം ശ്രീജേഷും അനന്തവും കോലിയക്കോട് നിന്നും പോത്തന്‍കോട് ഭാഗത്തേയ്ക്ക് വരുമ്പോഴാണ് അപകടം. അമിത വേഗതയില്‍ പോത്തന്‍കോട് നിന്നും വെഞ്ഞാറമൂട്ടിലേയ്ക്ക് പോകുകയാരുന്ന ലോറി ഇവരുടെ ബൈക്കില്‍ ഇടിക്കുകയായിരുന്നു. ശ്രീജേഷ് സംഭവ സഥലത്തുതന്നെ മരിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ് ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
