അടിയന്തിരാവസ്ഥക്കെതിരെ കേരളത്തില്‍ നടന്ന ആദ്യ പ്രതിഷേധ പ്രകടനത്തിന്റെ ഓര്‍മ്മ പുതുക്കി പഴയ കാല എസ് എഫ് ഐ പ്രവര്‍ത്തകര്‍ ഒത്തുചേര്‍ന്നു. പൗരസ്വാതന്ത്ര്യങ്ങളും, പത്രസ്വാതന്ത്ര്യങ്ങളുമടക്കം സര്‍വ്വതും ഭരണകൂടത്തിന്റെ സെന്‍സര്‍ഷിപ്പിന് വിധേയമാക്കപ്പെട്ട ഇരുണ്ട കാലത്തിന്റെ പോരാട്ടസ്മരണ പുതുക്കി എസ് എഫ് ഐ തിരുവനന്തപുരം ജില്ലാ കമ്മിറ്റി സംഘടിപ്പിച്ച പരിപാടിയില്‍, രാജ്യത്താദ്യമായി അടിയന്തരാവസ്ഥയ്‌ക്കെതിരെ ആദ്യമായി പ്രത്യക്ഷ പ്രതിഷേധമുയര്‍ത്തി 1975 ജൂലൈ ഒന്നാം തീയതി തിരുവനന്തപുരം നഗരത്തില്‍ എസ് എഫ് ഐ നടത്തിയ പ്രതിഷേധത്തിന് നേതൃത്യം കൊടുത്തവര്‍ സംസ്‌കൃത കോളേജ് അംഗണത്തില്‍ ഒത്തുകൂടി.
പരിപാടി സി പി ഐ എം സംസ്ഥാന കമ്മിറ്റി അംഗവും, എസ് എഫ് ഐ മുന്‍ സംസ്ഥാന സെക്രട്ടറിയുമായ സ. എം വിജയകുമാര്‍ ഉദ്ഘാടനം ചെയ്തു. അടിയന്തരാവസ്ഥയുടെ പോരാളികളെ എസ് എഫ് ഐ സംസ്ഥാന പ്രസിഡന്റ് വി എ വിനീഷ് ആദരിച്ചു.
ഡോ. ജെ പ്രസാദ്, പ്രൊഫ. മാധവന്‍പിള്ള, എം ശിവാനന്ദന്‍, പി കെ ഗോപിനാഥ്, ഡി സുരേഷ് കുമാര്‍, ജലാലുദീന്‍, രാജഗോപാല്‍, ഗിരീഷ് കുമാര്‍ തുടങ്ങിയവര്‍ ഉജ്ജ്വല സമര സഹന ഓര്‍മ്മകള്‍ പുതുക്കി. എസ് എഫ് ഐ ജില്ലാ പ്രസിഡന്റ് രാഹുല്‍ എ ആര്‍ അധ്യക്ഷനായി. ജില്ലാ സെക്രട്ടറി അഭിജിത്ത് ജെ ജെ സ്വാഗതവും, പാളയം ഏര്യാ സെക്രട്ടറി അഭിലാഷ് നന്ദിയും പറഞ്ഞു. മരണമടഞ്ഞ പോരാളികള്‍ക്ക് അനുശോചനവും രേഖപ്പെടുത്തി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
