മലയാളികളുടെ പ്രിയ നടി മിയ അമ്മയായി. മിയയ്ക്കും ഭര്ത്താവ് അശ്വിനും ആണ്കുഞ്ഞ് പിറന്ന വിവരം മിയ തന്നെയാണ് സോഷ്യല് മീഡിയയില് പങ്കുവെച്ചത്. തങ്ങളുടെ ജീവിതത്തിലേക്ക് ഒരു കുഞ്ഞതിഥി കൂടി എത്തിയതിന്റെ സന്തോഷത്തിലാണ് മിയ ഇപ്പോള്.
View this post on Instagram
ലൂക്ക ജോസഫ് ഫിലിപ്പ് എന്നാണ് മകന് പേരു നല്കിയിരിക്കുന്നതെന്ന് മിയ ഇന്സ്റ്റഗ്രാമില് പങ്കുവെച്ച പോസ്റ്റിനൊപ്പം അറിയിച്ചു. മിയയും അശ്വിനും ഒപ്പമുള്ള ലൂക്കയുടെ ച്ിത്രമാണ് മിയ ഇന്സ്റ്റഗ്രാമില് പങ്കുവെച്ചിരിക്കുന്നത്. ‘ഇറ്റ്സ് എ ബോയ്’…ലൂക്ക ജോസഫ് ഫിലിപ്പ്… എന്നാണ് മിയ ഫോട്ടോയ്ക്ക് അടിക്കുറിപ്പായി നല്കിയിരിക്കുന്നത്.
2020 സെപ്റ്റംബര് 12നായിരുന്നു മിയയും ബിസിനസ്സുകാരനായ അശ്വിനും തമ്മിലുള്ള വിവാഹം. വിവാഹശേഷം അഭിനയജീവിതത്തില് നിന്നും താല്ക്കാലികമായി ഒരു ബ്രേക്ക് എടുത്തിരിക്കുകയായിരുന്നു മിയ. തുടര്ന്നും അഭിനയിക്കുന്നതില് അശ്വിന് പ്രശ്നങ്ങളില്ലെന്നും താന് സിനിമ വിടുന്നില്ലെന്നും വിവാഹസമയത്ത് തന്നെ മിയ വ്യക്തമാക്കിയിരുന്നു. ലോക്ക്ഡൗണ് സമയത്തായിരുന്നു മിയയുടെ വിവാഹം.
കൈരളി ഓണ്ലൈന് വാര്ത്തകള് വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here