പാലക്കാട് പൂടൂർ ജങ്ഷനിൽ നിന്ന് പത്തുലിറ്റർ വിദേശ മദ്യവുമായി യൂത്ത് കോൺഗ്രസ് പ്രവർത്തകൻ അറസ്റ്റിൽ. മദ്യം കടത്തിക്കൊണ്ടുവന്ന പൂടൂർ സ്വദേശി രമേഷി(45)നെയാണ് അറസ്റ്റ് ചെയ്തത്. ഇയാൾ വീട് കേന്ദ്രീകരിച്ച് മദ്യം വിൽപ്പന നടത്തുന്നുണ്ടെന്നാണ് എക്സൈസിന് ലഭിച്ച വിവരം. പറളി എക്സൈസ് സംഘത്തിന്റെ പരിശോധനയിലാണ് ഇയാൾ പിടിയിലായത്.
രമേഷിന്റെ വീടിന്റെ ഒരു ഭാഗം മഴയിൽ തകർന്നിരുന്നു. 10 ദിവസംമുമ്പ് ഈ വീട് ഷാഫി പറമ്പിൽ എംഎൽഎ സന്ദർശിച്ചു. ഈ വീട് കേന്ദ്രീകരിച്ചാണ് ഇയാൾ മദ്യ വിൽപ്പന നടത്തിയിരുന്നത്.
പറളി റേഞ്ച് ഇൻസ്പെക്ടർ കെ ആർ അജിത്തിന്റെ നേതൃത്വത്തിൽ നടന്ന പരിശോധനയിൽ പ്രിവൻറ്റീവ് ഓഫീസർമാരായ പി എൻ സനിൽ, ജിഷു ജോസഫ്, സിവിൽ എക്സൈസ് ഓഫീസർ എ കെ അരുൺകുമാർ, എം കെ പ്രേംകുമാർ, എം ഐ അബ്ദുൾ ബഷീർ, വനിതാ സിവിൽ എക്സൈസ് ഓഫീസർ എ അജിത, ഡ്രൈവർ രഘുനാഥൻ എന്നിവർ പങ്കെടുത്തു.
കൈരളി ഓണ്ലൈന് വാര്ത്തകള് വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here