ഹോങ്കോങ്ങിലെ യു.എസ് വ്യവസായികൾക്ക് മുന്നറിയിപ്പുമായി പ്രസിഡൻറ് ജോ ബൈഡൻ. ഹോങ്കോങ്ങിൽ ബിസിനസ് നടത്തുന്നതിൻറെ അപകടസാധ്യതയെക്കുറിച്ചാണ് യു.എസ് പ്രസിഡൻറിൻറെ മുന്നറിയിപ്പ്. ഇതു സംബന്ധിച്ച ഔദ്യോഗിക പ്രസ്താവന പുറത്തിറക്കുമെന്നും ജോ ബൈഡൻ കൂട്ടിച്ചേർത്തു. ചൈന ഹോങ്കോങ്ങിൽ നിയന്ത്രണങ്ങൾ ശക്തമാക്കുന്നതിനിടെയാണ് മുന്നറിയിപ്പ്.
ഹോങ്കോങ്ങിലെ സ്ഥിതി അനുദിനം മോശമാവുകയാണ്. ചൈനീസ് സർക്കാർ അവരുടെ പ്രതിബദ്ധത പാലിക്കുന്നില്ലെന്ന് ജർമ്മൻ ചാൻസലർ എയ്ഞ്ചല മെർക്കലുമായി ചേർന്ന് നടത്തിയ വാർത്താസമ്മേളനത്തിൽ ബൈഡൻ പറഞ്ഞു.
അതേസമയം, ഹോങ്കോങ്ങിലെ വ്യവസായം ഉപേക്ഷിച്ച് നിർബന്ധമായും യു.എസിലേക്ക് മടങ്ങാൻ കമ്പനികളോട് നിർദേശിക്കില്ല. ജാഗ്രത പുലർത്താനുള്ള മുന്നറിയിപ്പ് മാത്രമാവും കമ്പനികൾക്ക് നൽകുക. യു.എസിലെ പല മൾട്ടിനാഷണൽ കമ്പനികളുടേയും ഏഷ്യയിലെ ആസ്ഥാനം ഹോങ്കോങ്ങാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂ പ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here