അമിത് ചക്കാലയ്ക്കല് നായകനാവുന്ന റൊമാന്റിക് ആക്ഷന് ത്രില്ലര് ‘ജിബൂട്ടി’ ആറ് ഭാഷകളിലായി റിലീസിന് ഒരുങ്ങുന്നു. മലയാളം, തമിഴ്, ഹിന്ദി, തെലുങ്ക്, കന്നഡ എന്നിവക്ക് പുറമെ ഫ്രഞ്ച് ഭാഷയിലും ചിത്രം റീലീസ് ചെയ്യുന്നുണ്ട്. റൊമാന്സിനൊപ്പം വൈല്ഡ് ആന്ഡ് റോ ആക്ഷനുകള്ക്കും പ്രാധാന്യം നല്കിയാണ് ജിബൂട്ടി പ്രേക്ഷകര്ക്ക് മുന്പില് എത്തുക.
ബ്ലൂഹില് നെയ്ല് കമ്മ്യൂണിക്കേഷന്റെ ബാനറില് ആഫ്രിക്കന് രാജ്യമായ ജിബൂട്ടിയിലെ മലയാളി വ്യവസായി ജോബി. പി. സാം നിര്മിച്ച ചിത്രം എസ്.ജെ സിനുവാണ് എഴുതി സംവിധാനം ചെയ്യുന്നത്. പ്രണയത്തിനും ആക്ഷനും തുല്യ പ്രാധാന്യം നല്കിക്കൊണ്ടുള്ള ഈ ചിത്രത്തിന്റെ ഭൂരിഭാഗവും ആഫ്രിക്കന് രാജ്യമായ ജിബൂട്ടിയിലാണ് ചിത്രീകരിച്ചിരിക്കുന്നത്. ജിബൂട്ടിയുടെ സൗന്ദര്യം പ്രേക്ഷകരിലേക്ക് എത്തിക്കുന്ന ചിത്രം കൂടിയാകും ഇത്.
അമിത് ചക്കാലക്കല് നായകനായ ചിത്രത്തില് പഞ്ചാബ് സ്വദേശിനി ശകുന് ജസ്വാള് ആണ് നായിക.. ദിലീഷ് പോത്തന്, ഗ്രിഗറി ,രോഹിത് മഗ്ഗു, അലന്സിയര്,ഗീത, സുനില് സുഖദ, ബിജു സോപാനം, വെട്ടുകിളി പ്രകാശ്, പൗളി വത്സന്,മാസ്റ്റര് ഡാവിഞ്ചി, സ്മിനു സിജോ എന്നിവരോടൊപ്പം മലയാളത്തിലെ മറ്റു പ്രമുഖ താരങ്ങളും അഭിനയിക്കുന്നു.
കൈതപ്രം ദാമോദരന് നമ്പൂതിരി, വിനായക് ശശികുമാര് എന്നിവരുടെ വരികള്ക്ക് ദീപക് ദേവ് സംഗീതം നല്കുന്നു. തിരക്കഥ, സംഭാഷണം അഫ്സല് അബ്ദുള് ലത്തീഫ് & എസ്. ജെ. സിനു, ചിത്രസംയോജനം സംജിത് മുഹമ്മദ്, ഛായാഗ്രഹണം ടി.ഡി. ശ്രീനിവാസ്, എക്സിക്യൂട്ടീവ് പ്രൊഡ്യൂസര് തോമസ് പി.മാത്യു, ആര്ട്ട് സാബു മോഹന്, പ്രൊഡക്ഷന് കണ്ട്രോളര് സഞ്ജയ് പടിയൂര്, കോസ്റ്റ്യൂം ശരണ്യ ജീബു, സ്റ്റില്സ് രാംദാസ് മാത്തൂര്, സ്റ്റണ്ട്സ് വിക്കി മാസ്റ്റര്, റണ് രവി, മാഫിയ ശശി. ഡിസൈന്സ് സനൂപ് ഇ.സി, വാര്ത്താപ്രചാരണം മഞ്ജു ഗോപിനാഥ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂ പ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here