ഒളിംപിക്സിൽ ഇന്ത്യയുടെ മെഡൽ പ്രതീക്ഷയായ പി. വി സിന്ധുവിന് രണ്ടാംഘട്ട മത്സരത്തില് വമ്പന് ജയം.
ഒളിംപിക്സ് വനിതാ സിംഗിള്സില് ഹോങ്കോങ് താരമായ ച്യൂങ് എൻഗാനെ യിയെ 21-9, 21-16 സ്കോറിന് തോല്പ്പിച്ചാണ് സിന്ധുവിന്റെ വിജയത്തിളക്കം. ഏറെ അനായാസമായാണ് ച്യൂങ് എൻഗാനെ യിയെ സിന്ധു തോല്പ്പിച്ചത്.
ആദ്യ റൗണ്ടില് ഇസ്രായേലിന്റെ പോളികാര്പ്പോവയെ തോല്പ്പിച്ചാണ് സിന്ധു തുടങ്ങിയത്. കേവലം 13 മിനിട്ടിനുള്ളിൽ അവസാനിച്ച മത്സരത്തിൽ 21-7, 21-10 എന്ന സ്കോറിനായിരുന്നു സിന്ധുവിന്റെ തകർപ്പൻ ജയം.
റിയോ ഒളിമ്ബിക്സ് വെള്ളി മെഡല് ജേതാവാണ് പി വി സിന്ധു. റിയോയിൽ സ്പാനിഷ് താരം കരോലിന മാരിനോട് ഇഞ്ചോടിഞ്ചുള്ള പോരാട്ടത്തിൽ തോറ്റതോടെയാണ് സിന്ധു വെള്ളി മെഡൽ കൊണ്ട് തൃപ്തിപ്പെട്ടത്. ഇത്തവണ മികച്ച ഫോമിലുള്ള സിന്ധു സ്വർണം നേടുമെന്നാണ് ഇന്ത്യൻ ക്യാംപിന്റെയും ആരാധകരുടെയും പ്രതീക്ഷ.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here