ടോക്യോ ഒളിമ്പിക്സ് ഗുസ്തിയില് പുരുഷന്മാരുടെ 65 കിലോ ഫ്രീസ്റ്റൈലില് വെങ്കലം നേടിയ ഇന്ത്യയുടെ ബജ്റംഗ് പുനിയയെ അഭിനന്ദിച്ച് മുഖ്യമന്ത്രി പിണറായി വിജയൻ. പുനിയയുടെ പ്രകടനം രാജ്യത്തിന് അഭിമാനമായി മാറി. കൂടുതൽ ഉയരങ്ങൾ കീഴടക്കാൻ അദ്ദേഹത്തിനാകട്ടെ എന്ന് ആശംസിക്കുന്നതായി മുഖ്യമന്ത്രി ഫെയ്സ് ബുക്കില് കുറിച്ചു.
കസാഖിസ്താന്റെ ദൗലത് നിയാസ്ബെക്കോവിനെയാണ് ബജ്റംഗ് തോല്പ്പിച്ചത്. ഒളിമ്പിക് ചരിത്രത്തിൽ ഗുസ്തിയിൽ ഇന്ത്യ നേടുന്ന ഏഴാമത്തെ മെഡലാണിത്. ഈ ഒളിമ്പിക്സിൽ രവികുമാര് ദഹിയക്ക് ശേഷം ഇന്ത്യ നേടുന്ന രണ്ടാമത്തെ മെഡൽ. ക്വാര്ട്ടറില് ഇറാന്റെ മൊര്ത്തേസ ഗിയാസിയെ പരാജയപ്പെടുത്തിയാണ് ബജ്റംഗ് പുനിയ സെമിയിലേക്ക് മുന്നേറിയത്.മീരാബായ് ചാനു, പി.വി സിന്ധു, ലവ്ലിന ബോര്ഗൊഹെയ്ന്, ഇന്ത്യന് ഹോക്കി ടീം, രവികുമാര് ദഹിയ എന്നിവര്ക്കു ശേഷം ടോക്യോയിൽ ഇന്ത്യ നേടുന്ന ആറാമത്തെ മെഡൽ ആണിത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here