ന്യൂസിലാൻഡ്​ ക്രിക്കറ്റർ ക്രിസ്​ കെയിൻസ് ആശുപത്രിയിൽ; നില ഗുരുതരം

ന്യൂസിലാൻഡ്​ മുൻ ക്രിക്കറ്റ്​ താരം ക്രിസ്​ കെയിൻസ്​ ആസ്​ട്രേലിയയിലെ ആശുപത്രിയിൽ ഗുരുതരാവസ്ഥയിലെന്ന്​ റിപ്പോർട്ട്​. താരത്തിന്‍റെ ആരോഗ്യ നില അതീവ ഗുരുതരമാണെന്നാണ്​ വിവരം.

ആസ്​ട്രേലിയൻ തലസ്ഥാനമായ കാൻബറയിൽ വെച്ച്​​ കെയിൻസ്​ കുഴഞ്ഞുവീഴുകയായിരുന്നു​. താരത്തെ സിഡ്​നി​യിലെ സ്​പെഷ്യൽ ആ​ശുപത്രിയിലേക്ക്​ ഉടൻമാറ്റുമെന്ന്​ ന്യൂസിലാൻഡ്​ ദേശിയ മാധ്യമങ്ങൾ ​ റിപ്പോർട്ട്​ ചെയ്​തു. ശസ്​ത്രക്രിയയോടും അനുകൂലമായി പ്രതികരിക്കുന്നില്ലെന്നാണ്​ വിവരം.

ഏകദിന ക്രിക്കറ്റിലെ എക്കാലത്തേയും മികച്ച ആൾറൗണ്ടർമാരിലൊരാളായി എണ്ണപ്പെടുന്ന കെയിൻസ്​ 215 ഏകദിനങ്ങളിലും 62 ടെസ്റ്റുകളിലും ന്യൂസിലാൻഡിനായി കളത്തിലിറങ്ങിയിട്ടുണ്ട്​. 2006ലാണ്​ കെയിൻസ്​ വിരമിച്ചത്​. തുടർന്ന്​ ഇന്ത്യൻ ക്രിക്കറ്റ്​ ലീഗിൽ കളിച്ച കെയിൻസ്​ വാതുവെപ്പ്​ വി​വാദത്തിൽ അകപ്പെട്ടിരുന്നു. സാമ്പത്തികമായി ഏറെ ബുദ്ധിമുട്ടുകൾ നേരിട്ട കെയിൻസ്​ ബസ്​ ക്ലീനിങ്​ ജോലി​െചയ്യുന്ന വാർത്തകൾ പുറത്ത്​ വന്നിരുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here