സിനിമാ ചിത്രീകരണത്തിനിടെ വീണ് നടന് പ്രകാശ് രാജിന് പരിക്ക്. ധനുഷ് നായകനാവുന്ന ‘തിരുചിട്രംബല’ത്തിന്റെ ചെന്നൈ ഷെഡ്യൂള് പുരോഗമിക്കുന്നതിനിടെയാണ് അപകടമുണ്ടായത്. പ്രകാശ് രാജിന്റെ കൈയ്ക്കാണ് പരിക്കേറ്റത്. എന്നാല് പരിക്ക് സാരമുള്ളതല്ലെന്നും ശസ്ത്രക്രിയയ്ക്കായി ഹൈദരാബാദിലേക്ക് പോവുകയാണെന്നും പ്രകാശ് രാജ് ട്വീറ്റ് ചെയ്തു.
“ഒരു ചെറിയ വീഴ്ച.. ഒരു ചെറിയ പൊട്ടല്. ശസ്ത്രക്രിയക്കുവേണ്ടി എന്റെ സുഹൃത്ത് ഡോ. ഗുരുവ റെഡ്ഡിയുടെ സുരക്ഷിതമായ കൈകളിലെത്താന് ഹൈദരാബാദിലേക്ക് പോകുന്നു. ഞാന് സുഖപ്പെടും, വിഷമിക്കാന് ഒന്നുമില്ല, നിങ്ങളുടെ ചിന്തകളില് എന്നെ ഉള്പ്പെടുത്തുക”. പ്രകാശ് രാജിന്റെ ട്വീറ്ററിൽ കുറിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here