ഐ.ഐ.ടിയില്‍ മുന്‍ അസിസ്റ്റന്‍റ് പ്രൊഫസര്‍ ജാതിവിവേചനത്തിനെതിരെ പരാതിയുമായി ദേശീയ പിന്നാക്ക കമ്മീഷന് മുന്നില്‍. ഐ.ഐ.ടിയില്‍ ജാതിയുടെ പേരില്‍ അവസരങ്ങള്‍ നിഷേധിക്കപ്പെട്ടുവെന്നാണ് അദ്ദേഹത്തിന്‍റെ പരാതി.
2019 മാര്‍ച്ചിലാണ് ഡിപ്പാര്‍ട്ട്മെന്‍റ് ഓഫ് ഹ്യുമാനിറ്റീസ് ആന്‍ഡ് സോഷ്യല്‍ സയന്‍സില്‍ വിപിന്‍ പി വീട്ടില്‍ അസിസ്റ്റന്‍റ് പ്രൊഫസറായി ചേര്‍ന്നത്. തുടര്‍ന്ന് ജൂലൈയില്‍ വിരമിച്ചു. രാജിക്കത്തില്‍ ഐ.ഐ.ടി മദ്രാസിലെ ജാതിവിവേചനത്തെ കുറിച്ചും പരാമര്‍ശമുണ്ടായിരുന്നു.
വ്യാഴാഴ്ച താന്‍ ഇതുസംബന്ധിച്ച പരാതി നല്‍കി. അന്വേഷണം പൂര്‍ത്തിയാകുന്നത് വരെ ഐ.ഐ.ടിയിലെ വകുപ്പ് മേധാവി സ്ഥാനത്ത് നിന്ന് മാറി നില്‍ക്കണമെന്ന് വിപിന്‍ ആവശ്യപ്പെട്ടു. ഐ.ഐ.ടിയിലേക്ക് തിരിച്ച്‌ പോകാനുള്ള അപേക്ഷ താന്‍ നല്‍കിയിട്ടുണ്ട്.
എന്നാല്‍, അവിടെ വിവേചനം നേരിടില്ലെന്ന് തനിക്ക് ഉറപ്പാക്കണമെന്നും അതിനാലാണ് പരാതി നല്‍കിയതെന്നും അദ്ദേഹം കൂട്ടിച്ചേര്‍ത്തു. എന്നാല്‍, ഇതുസംബന്ധിച്ച്‌ കൂടുതല്‍ പ്രതികരണത്തിന് അദ്ദേഹം തയാറായിട്ടില്ല.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
