എംഎസ്‌എഫ്‌ നേതാവ് അശ്ലീല ചുവയോടെ സംസാരിച്ചുവെന്നാരോപിച്ച് പരാതിയുമായി എംഎസ്‌എഫിന്റെ വനിതാ വിഭാഗമായ ഹരിത നേതാക്കൾ. എംഎസ്‌എഫ്‌ സംസ്ഥാന പ്രസിഡന്റ പി കെ നവാസിനെതിരെയാണ്‌ വനിതാ കമീഷനിൽ പരാതി നൽകിയത്‌
നേരത്തെ മുസ്ലീം ലീഗ് നേതൃത്വത്തിന് വനിത അംഗങ്ങള്‍ പരാതി നല്‍കിയിരുന്നു. പക്ഷേ ഇടപെടാന്‍ നേതൃത്വം തയാറായില്ല. ഹരിതയിലെ നേതാക്കള്‍ പ്രസവിക്കാത്ത ഒരുതരം ഫെമിനിസ്റ്റുകള്‍ ആണെന്ന് പ്രചരിപ്പിച്ചെന്നും പരാതിയില്‍ പറയുന്നു. നവാസിനും മലപ്പുറം ജില്ലാ ജനറല്‍ സെക്രട്ടറി അബ്‌ദുള്‍ വഹാബിനും എതിരെ നടപടിയെടുക്കണമെന്ന് ആവശ്യപ്പെട്ട് പത്ത് സംസ്ഥാന ഭാരവാഹികള്‍ ഒപ്പിട്ട് പരാതിയാണ് വനിത കമ്മീഷന് നല്‍കിയിരിക്കുന്നത്.
നേരത്തെ മുസ്ലീം ലീഗ് നേതൃത്വത്തിന് വനിത അംഗങ്ങള്‍ പരാതി നല്‍കിയിരുന്നു. പക്ഷേ ഇടപെടാന്‍ നേതൃത്വം തയാറായില്ല. ഹരിതയിലെ നേതാക്കള്‍ പ്രസവിക്കാത്ത ഒരുതരം ഫെമിനിസ്റ്റുകള്‍ ആണെന്ന് പ്രചരിപ്പിച്ചെന്നും പരാതിയില്‍ പറയുന്നു. നവാസിനും മലപ്പുറം ജില്ലാ ജനറല്‍ സെക്രട്ടറി അബ്‌ദുള്‍ വഹാബിനും എതിരെ നടപടിയെടുക്കണമെന്ന് ആവശ്യപ്പെട്ട് പത്ത് സംസ്ഥാന ഭാരവാഹികള്‍ ഒപ്പിട്ട് പരാതിയാണ് വനിത കമ്മീഷന് നല്‍കിയിരിക്കുന്നത്.
മുസ്ലീംലീഗ് നേതൃത്വത്തിന് പരാതി നല്‍കിയിട്ടും പരിഹാരമുണ്ടാകാത്ത സാഹചര്യത്തിലാണ് ഹരിതയുടെ നീക്കം. കോഴിക്കോട് നടന്ന സംസ്ഥാന കമ്മിറ്റി യോഗത്തിലുണ്ടായ പരാമര്‍ശങ്ങളെത്തുടർന്നാണ്‌ പരാതി. സംസ്ഥാന പ്രസിഡന്റ് സംഘടനാകാര്യങ്ങളില്‍ വനിത നേതാക്കളോട് അഭിപ്രായം ചോദിച്ച് സംസാരിച്ചപ്പോൾ “വേശ്യയ്ക്കും വേശ്യയുടേതായ ന്യായീകരണം ഉണ്ടാകുമല്ലോ, അത് പറയൂ എന്നാണ് പരാമര്‍ശിച്ചത്’.
എംഎസ്എഫില്‍ പ്രവര്‍ത്തിക്കുന്ന പെണ്‍കുട്ടികളെ ലൈംഗിക ചുവയോടെയാണ് ആണ്‍ നേതാക്കള്‍ ചിത്രീകരിക്കുന്നത് മാനസികമായി തകര്‍ക്കാന്‍ ശ്രമിക്കുന്നു. മലപ്പുറം ജില്ലാ ജനറല്‍ സെക്രട്ടറിയായ വി അബ്‌ദുള്‍ വഹാബ് ഫോണിലൂടെ അസഭ്യവാക്കുകള്‍ ഉപയോഗിച്ച് അധിക്ഷേപിച്ചു. തങ്ങള്‍ക്ക് വഴിപ്പെട്ടില്ലെങ്കില്‍ സംഘടന പ്രവര്‍ത്തനം അവസാനിപ്പിക്കേണ്ടിവരുമെന്ന് ഭീഷണിപ്പെടുത്തിയെന്നും പരാതിയിൽ പറയുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
