കേന്ദ്രസര്‍ക്കാരിന്‍റെ ജനദ്രോഹ നയം തുടരുന്നു: വിമാനയാത്രാക്കൂലി വീണ്ടും വര്‍ധിപ്പിച്ച്‌​ വ്യോമയാന മന്ത്രാലയം

ആഭ്യന്തര വിമാനയാത്രാക്കൂലി വീണ്ടും വർധിപ്പിച്ച്‌​ വ്യോമയാന മന്ത്രാലയം. രണ്ട്​ മാസത്തിനിടെ ഇത്​ രണ്ടാം തവണയാണ്​ വിമാനയാത്രാക്കൂലി വർധിപ്പിക്കുന്നത്​. ഒന്പത്​ മുതൽ 12 ശതമാനത്തിൻറെ വർധനയാണ്​ ഏർപ്പെടുത്തിയത്​.

40 മിനിറ്റിൽ താഴെയുള്ള വിമാനയാത്രക്കുള്ള മിനിമം ചാർജ്​ 2600 രൂപയിൽ നിന്ന്​ 2900 രൂപയാക്കി വർധിപ്പിച്ചു. 11.53 ശതമാനത്തിൻറെ വർധനയാണ്​ വരുത്തിയത്​. 8800 രൂപയാണ്​ ഈ കാറ്റഗറിയിലെ ഉയർന്ന ചാർജ്​. 40 മുതൽ 60 മിനിറ്റ്​ വരെയുള്ള യാത്രക്ക്​ മിനിമം 3,700 രൂപയും ഉയർന്ന ചാർജായി 11,000 രൂപയും നൽകണം.

60 മുതൽ 90 മിനിറ്റ്​ വരെയുള്ള യാത്രക്ക്​ 4500 രൂപയാണ്​ മിനിമം ചാർജ്​. ഉയർന്ന ചാർജായി 13,200 രൂപയും നൽകേണ്ടി വരും. ഇതുപോലെ എല്ലാ കാറ്റഗറിയിലും വർധന വരുത്തിയിട്ടുണ്ട്​. ഈ ചാർജിൽ പാസഞ്ചർ സെക്യൂരിറ്റി ഫീസ്​, യൂസർ ഡെവലപ്​മെൻറ്​ ഫീസ്​, ജി.എസ്​.ടി എന്നിവ ഉൾപ്പെട്ടിട്ടില്ലാത്തതിനാൽ ചാർജ്​ ഇനിയും ഉയരും. ഈ വർഷം ഫെബ്രുവരി, മേയ്​, ജൂൺ മാസങ്ങളിൽ വിമാനയാത്രാക്കൂലി വർധിപ്പിച്ചിരുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.