കൊവിഡ് പ്രതിസന്ധികള്‍ക്കിടയിലും ആലപ്പുഴയിലെ ലോകമേ തറവാട് കലാപ്രദര്‍ശന വേദി തുറക്കുന്നത് വിനോദസഞ്ചാര മേഖലയ്ക്ക് പുത്തനുണര്‍വ് നല്‍കുമെന്ന് മന്ത്രി പി.എ. മുഹമ്മദ് റിയാസ്. കലാപ്രദര്‍ശനത്തിന്‍റെ ഉദ്ഘാടനം ആലപ്പുഴ പോര്‍ട്ട് മ്യൂസിയം വേദിയില്‍ നിര്‍വഹിക്കുകയായിരുന്നു മന്ത്രി.
ആലപ്പുഴ പൈതൃക ടൂറിസം പദ്ധതി എത്രയും വേഗം പൂര്‍ത്തീകരിക്കാനുള്ള ഇടപെടലുണ്ടാവും. ആലപ്പുഴയെ കേരളത്തിന്‍റെ ടൂറിസം മേഖലയുടെ കപ്പിത്താനായാണ് കാണുന്നതെന്നും മന്ത്രി പറഞ്ഞു.
അഞ്ചു വേദികളിലായി ഒരു ലക്ഷം ചതുരശ്ര അടിയില്‍ 267 കലാകാരന്മാരുടെ 3000 കലാസൃഷ്ടികളാണ് ലോകമേ തറവാട് കലാപ്രദര്‍ശനത്തിലുള്ളത്. രാവിലെ 10 മുതല്‍ വൈകീട്ട് ആറുവരെ കൊവിഡ് മാനദണ്ഡങ്ങള്‍ പാലിച്ചാണ് പ്രദര്‍ശന വേദികളിലേക്കുള്ള പ്രവേശനം. ശനി, ഞായര്‍ ദിവസങ്ങളില്‍ പ്രവേശനം സൗജന്യമാണ്. തിങ്കള്‍ മുതല്‍ 20 രൂപ ടിക്കറ്റില്‍ പ്രദര്‍ശനം കാണാം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
