വ​ന്‍ ​ല​ഹ​രി ​മ​രു​ന്ന് വേ​ട്ട; കൊ​ച്ചി​യി​ല്‍ രണ്ടു പേര്‍ പിടിയില്‍

കൊ​ച്ചി​യി​ല്‍ വ​ന്‍​തോ​തി​ല്‍ ല​ഹ​രി​മ​രു​ന്ന് വേ​ട്ട. സി​ന്ത​റ്റി​ക് ഇ​ന​ത്തി​ല്‍​പെ​ട്ട വീ​ര്യം​കൂ​ടി​യ ല​ഹ​രി​ മ​രു​ന്നാ​യ എം.​ഡി.​എം.​എ​യു​മാ​യി കാ​ക്ക​നാ​ട് നി​ന്നാ​ണ് ര​ണ്ട് യു​വാ​ക്ക​ളെ പി​ടി​കൂ​ടി​യ​ത്.

കൊ​ടു​ങ്ങ​ല്ലൂ​ര്‍ മ​തി​ല​കം സ്വ​ദേ​ശി അ​ല്‍​അ​മീ​ന്‍ (23) എ​ന്ന​യാ​ളെ കാ​ക്ക​നാ​ട് അ​മ്ബാ​ടി​മൂ​ല​യി​ല്‍​ നി​ന്നും​ ഇ​യാ​ളു​ടെ മൊ​ഴി​യി​ല്‍ കാ​ക്ക​നാ​ട് നി​ലം​പ​തി​ഞ്ഞി​മു​ക​ളി​ലെ ഫ്ലാ​റ്റി​ല്‍​നി​ന്ന് ആ​ല​പ്പു​ഴ ക​വ​ലൂ​ര്‍ സ്വ​ദേ​ശി ബി​മ​ല്‍ ബാ​ബു​വി​നെ​യു​മാ​ണ്​ (22) എ​ക്സൈ​സ് സി.​ഐ വി​നോ​ജിന്‍റെ നേ​തൃ​ത്വ​ത്തി​ലു​ള്ള സ്പെ​ഷ്യ​ല്‍ സ്ക്വാ​ഡ് പി​ടി​കൂ​ടി​യ​ത്. ഇ​രു​വ​രി​ല്‍​നി​ന്നും 174 ഗ്രാം ​എം.​ഡി.​എം.​എ​യും ബൈ​ക്കും 4000 രൂ​പ​യും പി​ടി​ച്ചെ​ടു​ത്തു.

ദ​ക്ഷി​ണ മേ​ഖ​ല എ​ക്സൈ​സ് ക​മീ​ഷ​ണ​റേ​റ്റി​ല്‍ ​നി​ന്ന് ല​ഭി​ച്ച ര​ഹ​സ്യ​വി​വ​ര​ത്തിന്‍റെ അ​ടി​സ്ഥാ​ന​ത്തി​ലാ​ണ് ഇ​രു​വ​രെ​യും പി​ടി​കൂ​ടി​യ​ത്. നേ​ര​ത്തേ ക​ലൂ​രി​ല്‍ ​നി​ന്ന്​ 80 ല​ക്ഷം രൂ​പ​യു​ടെ ല​ഹ​രി ​മ​രു​ന്നു​മാ​യി ഷേ​ക് മു​ഹ്സി​ന്‍ എ​ന്ന​യാ​ളെ പി​ടി​കൂ​ടി​യി​രു​ന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.