ശീതള പാനീയത്തില് മയക്കുമരുന്ന് കലര്ത്തി ബോധരഹിതയാക്കിയ ശേഷം യുവതിയെ കൂട്ടബലാത്സംഗം ചെയ്തു. ഉത്തര്പ്രദേശിലെ മീററ്റ് ജില്ലയിലെ റോഹ്ത പ്രദേശത്തുള്ള ഹോട്ടലിലാണ് സംഭവം. കേസ് രജിസ്റ്റര് ചെയ്ത പൊലീസ് രണ്ടു പ്രതികളെ അറസ്റ്റ് ചെയ്തു. ജിംനേഷ്യം ഉടമയാണ് പ്രതികളില് ഒരാള്. മൂന്നാം പ്രതി ഒളിവിലാണ്.
അമര്പാലിന്റെ ഉടമസ്ഥതയിലുള്ളതായിരുന്നു റസ്ന റോഡിലെ ഹോട്ടല്. ഇതിന്റെ ഒന്നാം നിലയിലായിരുന്നു അമര്പാലിന്റെ മകന് ഉജ്വലിന്റെ ജിംനേഷ്യം. വെള്ളിയാഴ്ച വൈകീട്ടാണ് ഉജ്വലും രണ്ട് സുഹൃത്തുക്കളും യുവതിയെ കൂട്ടി ഹോട്ടലിലെത്തിയത്.
അവിടെ വെച്ച് മയക്കുമരുന്ന് നല്കി ബോധരഹിതയാക്കിയ ശേഷം പ്രതികള് കൂട്ടബലാത്സംഗം ചെയ്യുകയായിരുന്നു. ബോധം തിരികെ ലഭിച്ച ശേഷം യുവതി ബന്ധുവിനെ വിളിച്ച് സംഭവം വിവരിച്ചു. പൊലീസിനെ വിവരമറിയിച്ച ബന്ധു ഉടന് സ്ഥലത്തെത്തി. രണ്ടുപ്രതികളെ സംഭവ സ്ഥലത്ത് വെച്ച് തന്നെ പിടികൂടി.
ഉജ്വലും സത്വായ് സ്വദേശിയായ സൗരഭുമാണ് അറസ്റ്റിലായത്. മൂന്നാം പ്രതിയായ മോനുവാണ് രക്ഷപെട്ടത്. പീഡനത്തിനിരയായ പെണ്കുട്ടിയെ വൈദ്യപരിശോധനക്ക് വിധേയമാക്കിയ ശേഷം പൊലീസ് മൊഴി രേഖപ്പെടുത്തി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here