ശശി തരൂര് എം.പിയെ തിരുത്തി എഴുത്തുകാരന് എന്.എസ് മാധവന്. താലിബാന് സംഘത്തില് മലയാളികളുണ്ടോ എന്ന സംശയമുന്നയിച്ച് തരൂർ പങ്കുവെച്ച വീഡിയോ പലതവണ കേട്ടുവെന്നും, അതില് മലയാളം പറയുന്നില്ലെന്നും എന്.എസ്.മാധവന് ട്വിറ്ററില് കുറിച്ചു. എന്തിനാണ് മലയാളികളെ ഇതിലേക്ക് വലിച്ചിഴക്കുന്നതെന്നും അദ്ദേഹം ചോദിച്ചു.
‘ഈ വീഡിയോ പല തവണ കേട്ടു. ഇയാള് ‘സംസാരിക്കട്ടെ’ എന്ന് പറയുന്നില്ല. അറബിയില് ഹോളി വാട്ടര് എന്നര്ത്ഥം വരുന്ന സംസം എന്നോ, തമിഴില് ഭാര്യ എന്നര്ത്ഥം വരുന്ന സംസാരം എന്നോ മറ്റോ ആണ് പറയുന്നത്. അതുമല്ലെങ്കില് അയാള് തന്റെ ഭാഷയില് മറ്റെന്തോ ആണ് പറയുന്നത്. ഈ വാക്കാണ് എം.പിയെ പ്രേരിപ്പിച്ചതെങ്കില്, എന്തിനാണ് മലയാളികളെ ഇതിലേക്ക് വലിച്ചിഴക്കുന്നത്.’ എന്.എസ്.മാധവന് ട്വീറ്റില് ചോദിക്കുന്നു.
അഫ്ഗാനിസ്ഥാന് തലസ്ഥാനമായ കാബൂള് പിടിച്ചടക്കിയ ശേഷം സന്തോഷം കൊണ്ട് കരയുന്ന താലിബാന് സൈനികരുടെ ദൃശ്യമായിരുന്നു തരൂർ പങ്കുവച്ചത്. കൂട്ടത്തില് മലയാളികളുണ്ടോ എന്ന സംശയവും തരൂര് പങ്കുവച്ചിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here