അസം സ്വദേശിനിയുടെ സ്വകാര്യ ചിത്രങ്ങള് സമൂഹ മാധ്യമങ്ങളിലൂടെ പ്രചരിപ്പിച്ച അസം സ്വദേശിയായ യുവാവിനെ കാഞ്ഞിരപ്പള്ളി പൊലീസ് അറസ്റ്റ് ചെയ്തു.കാഞ്ഞിരപ്പള്ളി ആനക്കല്ലില് കാര് വാഷ് സ്ഥാപനത്തില് ജോലി ചെയ്യുന്ന റഷീദുല് ഹഖിനെയാണ് (27) പിടികൂടിയത്.
അസമില് ഇയാളുമായി പ്രണയത്തിലായിരുന്ന യുവതി മറ്റൊരാളെ വിവാഹം ചെയ്തതോടെയാണ് സ്വകാര്യചിത്രങ്ങള് സമൂഹ മാധ്യമങ്ങളില് പ്രചരിപ്പിച്ചത്. പിന്നീട് കേരളത്തിലെത്തിയ ഇയാള് യുവതിയുടെ ഭര്ത്താവിന് ചിത്രങ്ങള് അയച്ചു നല്കി.
യുവതിയുടെ വീട്ടുകാര് ആദ്യം അസം പൊലീസില് പരാതി നല്കി. ഫോട്ടോകള് പിന്വലിക്കാന് ഇയാള് പണം ആവശ്യപ്പെട്ടതോടെ യുവതിയുടെ സഹോദരന് കോട്ടയം ജില്ല പൊലീസ് മേധാവിയ്ക്ക് പരാതി നല്കി. കാഞ്ഞിരപ്പള്ളി കോടതിയില് ഹാജരാക്കി റിമാന്ഡ് ചെയ്തു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here