ഇന്ത്യൻ ചലച്ചിത്ര രംഗത്തെ അതുല്യ നടൻമാരായ മമ്മൂട്ടി,മോഹൻലാൽ എന്നിവർക്ക് യു എ ഇ സർക്കാരിന്റെ ഗോൾഡൻ വിസ സമ്മാനിച്ചു .
അബുദാബി സാമ്പത്തിക വികസന വകുപ്പ് ആസ്ഥാനത്തു നടന്ന ചടങ്ങിലാണ് വിസ നൽകിയത്.അബുദാബി സാമ്പത്തിക വികസന വകുപ്പ് ചെയർമാൻ മുഹമ്മദ് അലി അൽ ഷൊറഫ അൽ ഹമ്മാദിയാണ് മമ്മൂട്ടിക്കും മോഹൻലാലിനും വിസ കൈമാറിയത്.
ലുലൂ ഗ്രൂപ്പ് ചെയർമാൻ എം എ യൂസഫലി ,അബുദാബി സാമ്പത്തിക വികസന വകുപ്പ് അണ്ടർ സെക്രട്ടറി റാഷിദ് അബ്ദുൽ കരീം അൽ ബൂഷി , അബുദാബി റെസിഡൻസ് ഓഫീസ് അഡ്വൈസർ ഹറെബ് മുബാറക് അൽ മിഹിരി എന്നിവരും ചടങ്ങിൽ പങ്കെടുത്തു.
യു എ ഇ സർക്കാരിന്റെ ഈ ആദരത്തിൽ ഏറെ അഭിമാനമുണ്ടെന്ന് മമ്മുട്ടിയും മോഹൻലാലും പറഞ്ഞു. യു എ ഇ സർക്കാരിനും ഗോൾഡൻ വിസ നടപടി ക്രമങ്ങൾക്ക് നേതൃത്വം നൽകിയ ലുലു ഗ്രൂപ്പ് ചെയർമാൻ എം എ യുസഫലിക്കും നന്ദി പറയുന്നതായും താരങ്ങൾ പറഞ്ഞു. പത്തു വർഷത്തെ ഗോൾഡൻ വിസയാണ് ഇരുവർക്കും ലഭിച്ചത്.
വിവിധ മേഖലകളിൽ മികവ് തെളിയിച്ചവർക്കാണ് യു എ ഇ ഗോൾഡൻ വിസ നൽകുന്നത്. ഇന്ത്യൻ ചലച്ചിത്ര മേഖലക്കുള്ള യു എ ഇ സർക്കാരിന്റെ ആദരം കൂടിയാണ് ഇത്.
അതേസമയം,മലയാള സിനിമാ താരങ്ങള്ക്ക് ഇതാദ്യമായാണ് ഗോള്ഡന് വിസ കിട്ടുന്നത്. നേരത്തെ ഷാരൂഖ് ഖാൻ, സഞ്ജയ് ദത്ത് ഉൾപ്പടെയുള്ള സിനിമ താരങ്ങൾക്കും സാനിയ മിർസ ഉൾപ്പടെയുള്ള കായിക താരങ്ങൾക്കും ഗോൾഡൻ വിസ നൽകിയിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here