അഫ്ഗാനിസ്താനിൽ നിന്നുള്ള സൈനിക പിന്മാറ്റം ആഗസ്റ്റ് 31നകം പൂർത്തിയാക്കണമെന്ന് യു എസിന് താലിബാന്റെ അന്ത്യശാസനം. സേന പിന്മാറ്റം നടത്തിയില്ലെങ്കിൽ യു എസ് പ്രത്യാഘാതം അനുഭവിക്കേണ്ടി വരുമെന്നും അവര് മുന്നറിയിപ്പു നല്കി.
അഫ്ഗാനിലെ രക്ഷാദൗത്യം ബുദ്ധിമുട്ടേറിയതും വേദനയുണ്ടാക്കുന്നതാണെന്നും അതിനാല്, സൈന്യത്തെ അഫ്ഗാനില്നിന്ന് പിന്വലിക്കുന്നതിന് കാലതാമസമുണ്ടാകുമെന്നും യു എസ് പ്രസിഡന്റ് ജോ ബൈഡന് കഴിഞ്ഞദിവസം വ്യക്തമാക്കിയിരുന്നു.
അതേസമയം, അഫ്ഗാനിസ്താന്റെ ഒട്ടുമിക്ക പ്രദേശങ്ങളും താലിബാന് വളരെ വേഗത്തില് കീഴടക്കിയതിനെത്തുടര്ന്ന് അവിടെനിന്ന് ആളുകളെ ഒഴിപ്പിക്കുന്ന നടപടി തുടരുകയാണ്. എന്നാൽ അഫ്ഗാന് വിടുന്നത് ആഗസ്റ്റ് 31ന് അപ്പുറത്തേക്ക് നീളുമെന്ന് വിദേശരാജ്യങ്ങളുടെ സൈന്യങ്ങള് അറിയിച്ചിട്ടില്ലെന്ന് നേരത്തെ താലിബാന് പറഞ്ഞിരുന്നു. എന്തായാലും ബൈഡന് ഭരണകൂടത്തിന് അന്ത്യശാസനം നല്കിയിരിക്കുകയാണ് താലിബാന് ഇപ്പോള്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here