സൈന്യത്തില് കാല് നൂറ്റാണ്ടിലേറെ സേവനം പൂര്ത്തിയാക്കിയ അഞ്ച് വനിതാ ഓഫീസർമാർക്ക് കേണൽ പദവി നൽകി സൈന്യം. 26 വര്ഷം സേവനം പൂര്ത്തിയാക്കിയ അഞ്ച് വനിതാ ഉദ്യോഗസ്ഥര്ക്കാണ് സ്ഥാനക്കയറ്റം. ഇന്ത്യൻ സൈന്യത്തിന്റെ സെലക്ഷൻ ബോർഡിന്റെ തീരുമാനം പ്രതിരോധമന്ത്രാലയം അംഗീകരിച്ചു.
കോര് ഓഫ് സിഗ്നല്സില് നിന്നുള്ള ലെഫ്റ്റനന്റ് കേണല് സംഗീത സര്ദാന, ഇഎംഇ കോറില് നിന്നുള്ള ലെഫ്റ്റനന്റ് കേണല് സോമിയ ആനന്ദ്, ലെഫ്റ്റനന്റ് കേണല് നവനീത് ദുഗല്, കോര് ഓഫ് എഞ്ചിനിയേഴ്സില് നിന്നുമുള്ള ലെഫ്റ്റനന്റ് കേണല് റിനു ഖന്ന, ലെഫ്റ്റനന്റ് കേണല് റിച്ച സാഗര് എന്നിവര്ക്കാണ് കേണലായി സ്ഥാനക്കയറ്റം ലഭിച്ചത്.
കോർ ഓഫ് സിഗ്നൽസ്, കോർ ഓഫ് ഇലക്ട്രോണിക് ആൻഡ് മെക്കാനിക്കൽ എഞ്ചിനിയേഴ്സ് (ഇ.എം.ഇ), കോർ ഓഫ് എഞ്ചിനിയേഴ്സ് എന്നിവരോടൊപ്പം സേവനമനുഷ്ഠിക്കുന്ന വനിതാ ഉദ്യോഗസ്ഥയ്ക്ക് കേണൽ പദവി നൽകുന്നത് ഇതാദ്യമാണ്. ഇന്ത്യൻ സൈന്യത്തിലെ ഭൂരിഭാഗം ശാഖകളിൽനിന്നുള്ള വനിതാ ഓഫീസർമാർക്കും സ്ഥിരം കമ്മിഷൻ നൽകിയതോടെയാണ് വനിതകൾ കേണൽ (ടൈം സ്കെയിൽ) റാങ്കിന് അർഹരായത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here