ദുബായില് ബഹുനില കെട്ടിടത്തിന്റെ മുകളില് കുടുങ്ങിയ ഗര്ഭിണിയായ പൂച്ചയെ സാഹസികമായി രക്ഷിച്ച രണ്ട് ലയാളികളുൾപ്പെടെ 4പേർക്ക് 10 ലക്ഷം രൂപ വീതം സമ്മാനം നല്കി ദുബായ് ഭരണാധികാരി. ദുദെയ്റ ഫ്രിജ് മുറാജിലായിരുന്നു യുഎഇയുടെ ശ്രദ്ധ പിടിച്ചുപറ്റിയ സംഭവം നടന്നത്.
വടകര സ്വദേശി റാഷിദ് ബിന് മുഹമ്മദിന്റെ കടയില് പതിവായി എത്തുന്ന പൂച്ച പരിസരവാസികളുടെ ഓമനയായിരുന്നു. എല്ലാവരും പൂച്ചയ്ക്ക് ഭക്ഷണവും മറ്റും നല്കുമായിരുന്നു.
കടയ്ക്ക് മുന്പിലുള്ള കെട്ടിടത്തിന്റെ രണ്ടാം നിലയിലെ ബാല്ക്കണിയിലായിരുന്നു പൂച്ച കുടുങ്ങിയത്. അകത്തേയ്ക്കും പുറത്തേയ്ക്കും വരാനാകാതെ കുടുങ്ങിയ പൂച്ചയെ അതുവഴി പോവുകയായിരുന്ന വഴിയാത്രക്കാരില് ചിലര് തുണി വിടര്ത്തിപ്പിടിച്ച് ചാടിക്കുകയായിരുന്നു. പൂച്ച സുരക്ഷിതമായി താഴെയെത്തി.
നാദാപുരം പുറമേരി സ്വദേശി മുഹമ്മദ് റാഷിദാണ് ദൃശ്യം പകര്ത്തി ഇന്സ്റ്റഗ്രാമില് പങ്കുവെച്ചത്. നാസര് ശിഹാബാണ് തുണി വിരിച്ച് പൂച്ചയെ രക്ഷപ്പെടുത്തിയ സംഘത്തിലുണ്ടായിരുന്നത്. ഈ രണ്ട് മലയാളികള്ക്കും ഒരു പാകിസ്താനിയ്ക്കും ഒരു മൊറോക്കന് സ്വദേശിക്കുമാണ് 50,000 ദര്ഹം വീതം ഷെയ്ഖ് മുഹമ്മദ് നല്കിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here