കൊവിഡ് വന്ന് പോയവര്‍ക്ക് ഒറ്റഡോസ് വാക്‌സിന്‍ ഫലപ്രദമെന്ന് ഐസിഎംആര്‍ പഠനം

കൊവിഡ് വന്ന് പോയവർക്ക് ഒറ്റഡോസ് വാക്‌സിൻ ഫലപ്രദമെന്ന് ഐസിഎംആറിന്‍റെ പുതിയ പഠനം. രോഗം നേരത്തെ വന്ന് പോയവരിൽ കൊവാക്‌സിൻ ഒറ്റ ഡോസ് രണ്ട് ഡോസിന്റെ ഫലം ചെയ്യുമെന്നും പഠനത്തിൽ പറയുന്നു.

ഇന്ത്യൻ ജേർണൽ ഓഫ് മെഡിക്കൽ സയൻസിലാണ് പഠനം പ്രസിദ്ധീകരിച്ചത്. മുമ്പ് കൊവിഡ് ബാധിച്ചവർക്ക് കൊവാക്‌സിൻ ഒറ്റ ഡോസ് മതിയെന്ന് പരീക്ഷണങ്ങളിൽ വ്യക്തമായി. ഇത് രാജ്യത്തെ വാക്‌സിൻ വിതരണത്തിന് ഗുണകരമാകുമെന്നും പഠനത്തിൽ പറയുന്നു. നിലവിൽ കൊവിഡ് നേരത്തെ വന്നവർക്കും രണ്ട് ഡോസ് വാക്‌സിനാണ് നിർദേശിച്ചിരുന്നത്.

ഇന്ത്യ തദ്ദേശീയമായി വികസിപ്പിച്ച ആദ്യത്തെ വാക്‌സിനാണ് കൊവാക്‌സിൻ. ഭാരത് ബയോടെക്കാണ് ഉൽപാദകർ. ഫെബ്രുവരി മുതൽ മെയ് വരെ കൊവാക്‌സിൻ സ്വീകരിച്ച 114 ആരോഗ്യപ്രവർത്തകരുടെ രക്തസാമ്പിളുകൾ എടുത്താണ് പഠനം നടത്തിയത്. കൊവിഡ് നേരത്തെ വന്ന് പോയവരിൽ കൊവാക്‌സിൻ ഒറ്റ ഡോസ് വാക്‌സിൻ രണ്ട് ഡോസ് വാക്‌സിൻ എടുത്തവർക്ക് തുല്യമായി ആന്റിബോഡി കണ്ടെത്തിയെന്നും പഠനത്തിൽ പറയുന്നു.

രാജ്യത്ത് ഇപ്പോൾ നൽകുന്ന വാക്‌സിനുകളിൽ ജോൺസൺ ആൻഡ് ജോൺസൺ ഒഴികെ മറ്റുള്ളവയെല്ലാം രണ്ട് ഡോസാണ് നൽകുന്നത്. കൊവിഡ് വന്നുപോയവരിൽ ആന്റിബോഡി സ്വാഭാവികമായുണ്ടാകുമെന്നും അതുകൊണ്ടുതന്നെ മൂന്ന് മാസത്തിന് ശേഷം മാത്രമേ വാക്‌സിൻ സ്വീകരിക്കാവൂവെന്നുമാണ് നിലവിലെ മാനദണ്ഡം.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News