പൊലീസ് സ്റ്റേഷന് തീവെച്ച യുവാവ് പിടിയിൽ . ഗുജറാത്തിലെ രാജ്കോട്ടിലാണ് സംഭവം. 23 കാരനായ ദേവ്‌ജി ചാവ്ഡയാണ് ഞായറാഴ്ച പൊലീസ് സ്റ്റേഷന് തീയിട്ടത്. എപ്പോഴും വഴക്കു പറഞ്ഞുകൊണ്ടിരിക്കുന്ന ഭാര്യയില്‍നിന്ന് രക്ഷപ്പെട്ട് കുറച്ചു ദിവസം സ്വസ്ഥമായി ജയിലില്‍ കിടക്കാനാണ് കടുംകൈ ചെയ്തതെന്നാണ് യുവാവിന്റെ പ്രതികരണം
സ്വസ്ഥമായി ഭക്ഷണം കഴിച്ച്‌ കുറച്ചുദിവസം ജയിലില്‍ കഴിച്ചുകൂട്ടുകയായിരുന്നു ഇയാളുടെ ലക്ഷ്യമെന്നാണ് പൊലീസ് പറയുന്നത്.അടുത്തിടെ വിവാഹം കഴിച്ച ഇയാള്‍ക്ക് വീട്ടിലെ ആവശ്യങ്ങള്‍ നിവര്‍ത്തിച്ചുകൊടുക്കുന്നതിന് സാധിച്ചിരുന്നില്ല.
ഇതുപറഞ്ഞ് ദിവസവും വീട്ടില്‍ ഭാര്യയുമായി വഴക്കിടാറുണ്ടെന്നും ദേവ്‌ജി പറയുന്നു. ഇതില്‍ മനംമടുത്താണ് പൊലീസ് സ്റ്റേഷന് തീയിട്ടത്. ഇയാള്‍ ദിവസകൂലിക്ക് ജോലി ചെയ്തിരുന്ന ആളാണെന്നും കാര്യമായ വരുമാനം ഉണ്ടായിരുന്നില്ലെന്നും പൊലീസ് പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
