നടന് സിദ്ധാര്ഥ് ശുക്ല (40) അന്തരിച്ചു. മുംബൈയിലെ വസതിയില് അബോധാവസ്ഥയില് കാണപ്പെട്ട നടനെ കുപ്പര് ഹോസ്പിറ്റലില് പ്രവേശിപ്പിക്കുകയായിരുന്നു. പക്ഷേ ജീവന് രക്ഷിക്കാനായില്ല. ഹൃദയാഘാതമാണ് മരണകാരണമെന്ന് ആശുപത്രി അധികൃതര് സ്ഥിരീകരിച്ചു. പോസ്റ്റ്മോര്ട്ടം നടപടികള് പുരോഗമിക്കുകയാണ്.
മോഡലിങ്ങിലൂടെയാണ് സിദ്ധാര്ഥ് വിനോദ രംഗത്ത് പ്രവേശിക്കുന്നത്. പിന്നീട് ഒട്ടനവധി ടെലിവിഷന് ഷോകളില് മത്സരാര്ഥിയും അവതാരകനുമായെത്തി. ബിഗ് ബോസ് 13 പതിപ്പ് വിജയിയായത് കരിയറില് വഴിത്തിരിവായി. ബിസിനസ് ഇന് റിതു ബാസാര്, ഹംപ്റ്റി ശര്മ ഹി ദുല്ഹനിയ തുടങ്ങിയ ചിത്രങ്ങളില് വേഷമിട്ടു. ബ്രോക്കണ് ബട്ട് ബ്യൂട്ടിഫുള് 3 എന്ന വെബ് സീരീസില് അഭിനയിച്ചു വരികയായിരുന്നു.
അശോക് ശുക്ല, റിതേഷ് ശുക്ല എന്നിവരാണ് മാതാപിതാക്കള്. ഉത്തര്പ്രദേശ് സ്വദേശിയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here