കാണാതായ യുവതിയുടെ മൃതദേഹം അയല്വാസിയുടെ അടുക്കളയില് കുഴിച്ചിട്ട നിലയില് കണ്ടെത്തിയ സംഭവത്തില് കമ്മീഷൻ കേസെടുത്തു സ്വമേധയ കേസെടുത്തു. മൂന്നാഴ്ച മുന്പ് കാണാതായ ഇടുക്കി പണിക്കന്ക്കുടി സ്വദേശിനിയായ യുവതിയുടെ മൃതദേഹമാണ് അയല്വാസിയുടെ വീട്ടില് നിന്ന് പൊലീസ് കണ്ടെടുത്തത്.
സിന്ധു (45)വിന്റെ മൃതദേഹമാണ് അയല്വാസിയായ ബിനോയിയുടെ അടുക്കളയില് കുഴിച്ചിട്ട നിലയില് കണ്ടെത്തിയത്. സംഭവത്തിന് ശേഷം ഒളിവില് പോയ ബിനോയിക്ക് വേണ്ടി പൊലീസ് തെരച്ചില് നടത്തിവരികയാണ്. കഴിഞ്ഞ മാസം 12നാണ് സിന്ധുവിനെ കാണാതായത്. തുടര്ന്ന് കുടുംബം വെള്ളത്തൂവല് പൊലീസില് പരാതി നല്കി.
അന്വേഷണം നടക്കുന്നതിനിടെ അയല്ക്കാരനായ ബിനോയി ഒളിവില് പോയി. ഇതോടെ സിന്ധുവിനെ കാണാതായതിന് പിന്നില് ബിനോയിക്ക് പങ്കുണ്ടെന്ന് ബന്ധുക്കള് ആരോപിച്ചു. സിന്ധുവിനെ കാണാതായതിന്റെ തലേന്ന് ഇവിടെ വഴക്ക് ഉണ്ടായതായും ബന്ധുക്കള് പറയുന്നു. മൃതദേഹം വീട്ടുകാര് തിരിച്ചറിഞ്ഞു.
മൃതദേഹം സിന്ധുവിന്റേത് തന്നെയാണെന്നാണ് പൊലീസും പറയുന്നത്. പ്രതിയെന്ന് സംശയിക്കുന്ന ബിനോയ് തമിഴ്നാട്ടിലേക്ക് കടന്നിട്ടുണ്ടാകുമെന്നാണ് പൊലീസിന്റെ പ്രാഥമിക നിഗമനം. ഇരുവരും അടുപ്പത്തിലായിരുന്നു. സംഭവത്തില് വെള്ളത്തൂവല് പൊലീസ് അന്വേഷണം ആരംഭിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here