സംസ്ഥാനത്ത് വീണ്ടും നിപ സ്ഥിരീകരിച്ചതായി സൂചന. 12 വയസുകാരന് സ്വകാര്യ ആശുപത്രിയില് ചികിത്സയിലാണ്. നേരത്തെ ഈ കുട്ടിക്ക് കൊവിഡ് ബാധിച്ചിരുന്നു.
എന്നാല് പനി മാറാഞ്ഞതിനെത്തുടര്ന്നാണ് ആശുപത്രിയില് പ്രവേശിപ്പിച്ചത്. കോഴിക്കോട് മെഡിക്കല് കോളജില് ചികിത്സയിലായിരുന്ന കുട്ടിയെ രണ്ട് ദിവസം മുമ്പാണ് സ്വകാര്യ ആശുപത്രിയില് പ്രവേശിപ്പിച്ചത്.
മെഡിക്കല് കോളജില് പ്രിന്സിപ്പല് ഡോക്ടര്മാരുടെ അടിയന്തിര സൂം മീറ്റിംഗ് വിളിച്ചു. അതേസമയം കുട്ടിയുടെ രക്ഷിതാക്കള് ആരോഗ്യവകുപ്പിന്റെ നിരീക്ഷണത്തിലാണ്. വൈറസ് ബാധ റിപ്പോര്ട്ടുചെയ്ത പ്രദേശത്തേക്കുള്ള റോഡുകള് പൊലീസ് അടച്ചു.
അത്യാഹിതവിഭാഗത്തില് ചികിത്സയിലുള്ള കുട്ടിക്ക് ഛര്ദിയും മസ്തിഷ്ക ജ്വരവുമുണ്ട്. കുട്ടിയുടെ ശ്രവ സാംപിള് ശേഖരിച്ച് ആലപ്പുഴയിലെ നാഷനല് ഇന്സ്റ്റിറ്റ്യൂട്ട് ഓഫ് വൈറോളജിയിലേക്ക് രണ്ട് ദിവസം മുമ്പ് അയച്ചിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here