ഇടുക്കി പണിക്കന്കുടി കൊലപാതകത്തില് സിന്ധുവിനെ കൊലപ്പെടുത്തിയ സംഭവത്തില് പ്രതി ബിനോയി പിടിയില്. പെരിഞ്ചാംകുട്ടി തേക്ക് പ്ലാന്റേഷനില് നിന്നാണ് പ്രതി പിടിയിലായത്. ഇടുക്കി ഡിവൈഎസ്പിയുടെ നേതൃത്വത്തില് മൂന്ന് സംഘങ്ങളായി തിരിഞ്ഞാണ് പ്രതിയ്ക്ക് വേണ്ടി തെരച്ചില് നടത്തിയിരുന്നത്.
സിന്ധുവിനെ കൊലപ്പെടുത്തിയത് ശ്വാസം മുട്ടിച്ചെന്ന പോസ്റ്റുമോര്ട്ടം റിപ്പോര്ട്ട് കഴിഞ്ഞ ദിവസം പുറത്തുവന്നിരുന്നു. സിന്ധുവിന് ക്രൂരമായ മര്ദ്ദനവും ഏറ്റിട്ടിട്ടുണ്ട്. മര്ദ്ദനത്തില് വാരിയെല്ലുകള് പൊട്ടിയെന്നും പോസ്റ്റ്മോര്ട്ടം റിപ്പോര്ട്ടില് പറയുന്നു.
വിശദമായ പോസ്റ്റുമോര്ട്ടം റിപ്പോര്ട്ട് രണ്ട് ദിവസത്തിനകം കിട്ടുമെന്നും പൊലീസ് അറിയിച്ചു. അടുക്കളയില് കുഴിച്ചുമൂടിയ നിലയിലായിരുന്നു സിന്ധുവിന്റെ മൃതദേഹം കണ്ടെത്തിയത്.
അയല്വാസി കൂടിയായ പ്രതി പണിക്കന്കുടി ചേബ്ലായിതണ്ട് നായികുന്നേല് ബിനോയി(48)യുടെ വീടിന്റെ അടുക്കളയിലാണ് മൃതദേഹം കുഴിച്ചിട്ട നിലയില് കണ്ടെത്തിയത്.
മൃതദേഹം അടുക്കളയില് കുഴിച്ച് മൂടിയശേഷം ചാണകം ഉപയോഗിച്ച് തറ മെഴുകി. തുടര്ന്ന് മുകളില് അടുപ്പ് പണിതു. ഇതിന് മുകളില് ജാതിപത്രി ഉണക്കാന് ഇട്ടിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here