ADVERTISEMENT
വേറിട്ട ജീവിതശൈലിയിലൂടെ ശ്രദ്ധേയനായ മാറി നാട്ടുകാര്‍ക്ക് പ്രിയങ്കരനായ കടയ്ക്കല്‍ മുക്കുന്നം യഹിയ (RMS തട്ടുകട ) മരണത്തിനു കീഴടങ്ങി. മടക്കിക്കുത്തിയ മുണ്ട് അഴിച്ചിടാത്തതില്‍ പൊലീസ് മര്‍ദ്ദിച്ചതില്‍ പ്രതിഷേധിച്ച് ജീവിതാവസാനം വരെ നൈറ്റി വേഷം സ്വീകരിച്ച യഹിയാക്കയുടെ നിലപാടുകള്‍ എന്നും വേറിട്ടതായിരുന്നു.
നരേന്ദ്ര മോദിയുടെ നോട്ട് നിരോധനത്തില്‍ പ്രതിഷേധിച്ച് തലമുടിയുടെയും മീശയുടെയും ഒരുഭാഗം വടിച്ച് പ്രതിഷേധം അറിയിച്ച യഹിക്കാക്ക ദേശീയ മീഡിയകളില്‍ അടക്കം വാര്‍ത്തയായിരുന്നു. യഹിക്കാക്കയുടെ ആര്‍എംഎസ് തട്ടുകടയും വേറിട്ട വിഭവങ്ങള്‍ കൊണ്ടും അതിലുപരി അദ്ദേഹത്തിന്റെ സ്വഭാവംകൊണ്ടും ശ്രദ്ധിക്കപ്പെട്ടിരുന്നു.
ചെറു പ്രായത്തില്‍ കാര്യസ്ഥനായിരുന്ന വീടിന്റെ കാര്‍പോര്‍ച്ചിലാണ് അവസാന ദിനങ്ങള്‍ ഇദ്ദേഹം ചിലവഴിച്ചത്. ആള്‍താമസമില്ലാത്ത വീട് തുറന്ന് നല്‍കിയിട്ടും ഇവിടെ കഴിയാന്‍ ഇദ്ദേഹം തയ്യാറായില്ല. കുറച്ചു കാലങ്ങളായി രോഗബാധിതനായി കിടപ്പിലായിരുന്നു.
ഓര്‍മിക്കാന്‍ ഒത്തിരി അനുഭവങ്ങള്‍ ബാക്കിയാക്കി യഹിക്കാക്ക യാത്രയായിരിക്കുന്നു.കടക്കല്‍ പുതുക്കോട് ജുമാ മസ്ജിദിലാണ് കബറടക്കം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
Get real time update about this post categories directly on your device, subscribe now.
