മാമുക്കോയ പ്രധാന കഥാപാത്രമായെത്തുന്ന ചിത്രം ‘ഉരു’ വിന്റെ ഫസ്റ്റ് ലുക്ക് പോസ്റ്റർ എഴുത്തുകാരൻ കെ.പി രാമനുണ്ണി റിലീസ് ചെയ്തു. ചാലിയം തുരുത്തിലെ ഉരു നിർമാണ കേന്ദ്രത്തിൽ പി.ഒ ഹാഷിമിന് നൽകിയായിരുന്നു റിലീസ്. മാധ്യമപ്രവർത്തകൻ ഇ.എം അഷ്റഫ് രചനയും സംവിധാനവും നിർവഹിച്ച ഉരു ബേപ്പൂരിലെ ഉരു നിർമാണത്തൊഴിലുമായി ബന്ധപ്പെട്ട ജീവിതങ്ങളുടെ കഥ പറയുന്നു.
ചിത്രത്തിൽ മൂത്താശാരിയായാണ് മാമുക്കോയ വേഷമിട്ടത്. മരത്തടി മേഖലയുമായി ബന്ധപ്പെട്ട തൊഴിൽ ചെയ്ത മാമുക്കോയ തൻെറ ജീവിതാനുഭവങ്ങൾ കൂടി ‘ഉരു’വിൽ പങ്കുവെക്കുന്നു.
മാമുക്കോയയെ കൂടാതെ കെ.യു. മനോജ്, മഞ്ജു പത്രോസ്, അർജുൻ, ആൽബർട്ട് അലക്സ്, അനിൽ ബാബു, അജയ് കല്ലായി, രാജേന്ദ്രൻ തായാട്ട്, ഉബൈദ് മുഹ്സിൻ, ഗീതിക, ശിവാനി, ബൈജു ഭാസ്കർ, സാഹിർ പി.കെ., പ്രിയ എന്നിവരും ചിത്രത്തിലെ വിവിധ കഥാപാത്രങ്ങളെ അവതരിപ്പിക്കുന്നു.
സാം പ്രൊഡക്ഷൻെറ ബാനറിൽ നിർമിക്കുന്ന ‘ഉരു’ഒ.ടി.ടി റിലീസിന് തയാറായിരിക്കുകയാണ്. ശ്രീകുമാർ പെരുമ്പടവം ഛായാഗ്രഹണവും, കമൽ പ്രശാന്ത് സംഗീത സംവിധാനവും, പ്രഭാവർമ ഗാന രചനയും നിർവഹിച്ചിരിക്കുന്നു.
ചടങ്ങിൽ നിർമാതാവ് മൻസൂർ പള്ളൂർ, അസോസിയേറ്റ് ഡയറക്ടർ ഷൈജു ദേവദാസ്, എഡിറ്റർ ഹരി ജി. നായർ, നാടൻ പാട്ടു ഗായകൻ ഗിരീഷ് ആമ്പ്ര എന്നിവർ പങ്കെടുത്തു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here