തിരുവനന്തപുരം സര്ക്കാര് മെഡിക്കല് കോളേജില് 2 പുതിയ ഐ.സി.യു.കള് കൂടി സജ്ജമാക്കിയെന്ന് ആരോഗ്യ മന്ത്രി വീണാ ജോര്ജ്. മൂന്നാം തരംഗം മുന്നില് കണ്ടുള്ള മുന്നൊരുക്കത്തിന്റെ ഭാഗമായാണ് 100 ഐ.സി.യു. കിടക്കകള് കൂടി സജ്ജമാക്കിയത്. ഈ ഐ.സി.യു.കള്ക്കായി ആദ്യഘട്ടത്തില് 17 വെന്റിലേറ്ററുകളാണ് സ്ഥാപിക്കുന്നത്. അതില് 9 വെന്റിലേറ്ററുകള് നിലവില് സ്ഥാപിച്ചിട്ടുണ്ട്. ബാക്കിയുള്ള വെന്റിലേറ്ററുകള് ഉടന് സ്ഥാപിക്കാനുള്ള നടപടി സ്വീകരിച്ചിട്ടുണെന്നും മന്ത്രി തന്റെ ഫേസ് ബുക്ക് പോസ്റ്റിലൂടെ വ്യക്തമാക്കി
എസ്.എ.ടി. ആശുപത്രിയില് പീഡിയാട്രിക് രോഗികള് കൂടിയാല് അവരെക്കൂടി ഉള്ക്കൊള്ളുന്ന തരത്തിലാണ് ഈ ഐ.സി.യു.കള് സജ്ജമാക്കിയിരിക്കുന്നത്. ഐ.സി.യു.കളുടെ ഉദ്ഘാടനം സെപ്റ്റംബര് 23-ാം തീയതി മുഖ്യമന്ത്രി പിണറായി വിജയന് നിര്വഹിക്കും.
5.5 കോടി രൂപ ചെലവഴിച്ച് മെഡിക്കല് കോളേജ് ആശുപത്രിയിലെ 7, 8 വാര്ഡുകള് നവീകരിച്ചാണ് അത്യാധുനിക ഐ.സി.യു. സംവിധാനം സജ്ജമാക്കിയത്. ഓരോ വാര്ഡിലും ഒരു ഐസിയുവും ഒരു ഹൈ ഡിപ്പന്റന്സി യൂണിറ്റും ഒരുക്കിയിട്ടുണ്ട്. പൂര്ണമായും എയര്കണ്ടീഷന് ചെയ്തതാണ് ഇവയൊക്കെ.
ഓരോ കിടക്കയിലും കേന്ദ്രീകൃത ഓക്സിജന് വിതരണ സംവിധാനമുള്ള സെന്ട്രല് സക്ഷനും ലഭ്യമാക്കിയിട്ടുണ്ട്. മാത്രമല്ല അടിയന്തര ഘട്ടത്തില് വെന്റിലേറ്റര് ഘടിപ്പിക്കാനുള്ള സംവിധാനവുമുണ്ട്.
എല്ലാ കിടക്കകളിലും മള്ട്ടി പാരാമീറ്റര് മോണിറ്റര് സംവിധാനമുണ്ട്. ഇതിലൂടെ ഓരോ രോഗിയേയും 24 മണിക്കൂറും നിരീക്ഷിക്കാന് സാധിക്കുന്നു. ഇതിനോടനുബന്ധിച്ച് സെന്ട്രലൈസ്ഡ് നഴ്സിംഗ് സ്റ്റേഷനും ഒരുക്കി. ഇവിടെയിരുന്ന് ഡോക്ടര്മാര്ക്ക് ഓരോ രോഗിയുടേയും മോണിറ്ററിന്റെ വിശദാംശങ്ങള് നിരീക്ഷിക്കുന്നതിനുള്ള കേന്ദ്രീകൃത സംവിധാനവും ഒരുക്കിയിട്ടുണ്ടെന്ന് മന്ത്രി അറിയിച്ചു.
ഐ.സി.യു.വിനോടനുബന്ധമായി മൈനര് പ്രൊസീജിയര് റും, സ്റ്റാഫ് റൂം എന്നിവയും സജ്ജമാക്കി. രോഗികളുടെ സമ്മര്ദം കുറയ്ക്കുന്നതിനായി മൂസിക് സിസ്റ്റം, ടി.വി., അനൗണ്മെന്റ് സംവിധാനം എന്നിവയുമുണ്ട്.
കോണ്ഫെഡറേഷന് ഓഫ് ഇന്ത്യന് ഇന്ഡസ്ട്രിയുടെ സഹകരണത്തോടെയാണ് ഉപകരണങ്ങള് സജ്ജമാക്കിയതെന്നും ആരോഗ്യ മന്ത്രി അറിയിച്ചു
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here