തിരുവനന്തപുരത്ത് മാരക മയക്കുമരുന്നുകളുമായി നാലംഗസംഘം പിടിയില്‍. മാരക മയക്കുമരുന്നുകളായ എം.ഡി.എം.എയും എല്‍.എസ്.ഡിയും കഞ്ചാവും വില്‍പന നടത്തിവന്ന സംഘത്തെയാണ് പൊലീസ് അറസ്റ്റുചെയ്തത്.
തുമ്പ ആറാട്ടുവഴി പീറ്റര്‍ ഹൗസില്‍ ഡൊമനിക് പീറ്റര്‍ (26), കാഞ്ഞിരംപാറ മഞ്ചാടിമൂട് പുതുവല്‍ക്കാട് വീട്ടില്‍കിരണ്‍ (28), കഠിനംകുളം പുതുക്കുറിച്ചി തൈവിളാകം വീട്ടില്‍ പ്രവീണ്‍ ലോറന്‍സ് (25), കഠിനംകുളം ആര്യ ഭവനില്‍ കണ്ണന്‍ എന്ന് വിളിക്കുന്ന വിപിന്‍ (26)എന്നിവരെയാണ് സിറ്റി നാര്‍കോട്ടിക് സെല്‍ ടീമിന്‍റെ സഹായത്തോടെ കഴക്കൂട്ടം പൊലീസ് അറസ്റ്റ് ചെയ്തത്.
മയക്കുമരുന്ന് വില്‍പന സംഘങ്ങളെ പിടികൂടാന്‍ സിറ്റി പൊലീസ് നടത്തി വരുന്ന സ്പെഷല്‍ ഡ്രൈവിന്‍റെ ഭാഗമായുള്ള അന്വേഷണത്തിലാണ് പ്രതികള്‍ പിടിയിലായത്.
വിദ്യാര്‍ഥികള്‍ ഉള്‍പ്പെടെയുള്ളവര്‍ക്ക് മയക്കുമരുന്നുകള്‍ വില്‍പന നടത്തിവന്ന സംഘത്തെക്കുറിച്ച്‌ നാര്‍കോട്ടിക് സെല്‍ എ.സി.പി ഷീന്‍ തറയലിന് ലഭിച്ച രഹസ്യവിവരത്തെ തുടര്‍ന്ന് ദിവസങ്ങളായി സംഘം പൊലീസിന്‍റെ നിരീക്ഷണത്തിലായിരുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
