പാലാ സെന്റ് തോമസ് കോളേജ് ഗ്രൗണ്ടിനു സമീപം വിദ്യാര്ത്ഥിനിയെ കഴുത്തറുത്തു കൊന്ന സംഭവത്തില് കൊലപാതകത്തിനു മുന്നെ നിഥിന മോളും അഭിഷേകും തമ്മില് വാക്ക്തര്ക്കം ഉണ്ടായി എന്ന് സെക്യൂരിറ്റി. അതിനു ശേഷം അഭിഷേക് നിഥിനയെ കഴുത്തില് കുത്തിപ്പിടിച്ച് കിടത്തിയതിനു ശേഷം കഴുത്തറുക്കുകയുമായിരുന്നുവെന്ന് സുരക്ഷാ ജീവനക്കാരന് പറഞ്ഞു.
‘ഇരുവരും തമ്മില് വഴക്കുണ്ടാക്കുന്നത് ദൂരെ നിന്ന് ഞാന് കണ്ടിരുന്നു. കുറച്ചുനേരം കഴിഞ്ഞപ്പോള് പെണ്കുട്ടിയെ യുവാവ് പിടിച്ചുതള്ളി. ശേഷം പെണ്കുട്ടിയെ കഴുത്തിന് കുത്തിപ്പിടിച്ച് കിടത്തി. പിന്നീട് കണ്ടത് ചോര ചീറ്റുന്നതാണ്. കത്തി താഴെയിട്ട് പയ്യന് കൈ തുടച്ച് പരിസരത്തെ കസേരയില് കയറി ഇരുന്നു. ഉടന് തന്നെ പ്രിന്സിപ്പല് ഉള്പ്പെടെയുള്ളവരെ വിളിച്ചുപറയുകയും അവരെത്തുകയും പെണ്കുട്ടിയെ ആശുപത്രിയിലേക്ക് കൊണ്ടുപോകുകയുമായിരുന്നു. ഈ സമയങ്ങളിലെല്ലാം ഒരു കൂസലുമില്ലാതെയാണ് പ്രതിയുടെ ഇരിപ്പ്’- സെക്യുരിറ്റി പറഞ്ഞു.
അഭിഷേക് ബൈജുവും നിഥിനമോളും അവസാന വര്ഷ ബിരുദ വിദ്യാര്ത്ഥികളാണ്. ഇവര് തമ്മില് പ്രണയത്തിലായിരുന്നുവെന്ന് സഹപാഠികള് പറയുന്നു. ഇന്ന് പരീക്ഷയ്ക്ക് വേണ്ടി എത്തിയതാണ് ഇരുവരും. രാവിലെ 9.30 മുതല് 12.30 വരെയാണ്. പരീക്ഷ. എന്നാല് ഇരുവരും 11 മണിയോടെ പുറത്തിറങ്ങുകയായിരുന്നു. പ്രണയപ്പകയാണ് കൊലയ്ക്ക് കാരണമെന്നാണ് പൊലീസ് പറയുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here