കെ പി സി സി പ്രസിഡന്റ് കെ സുധാകരനെതിരെയുള്ള പ്രശാന്ത് ബാബുവിന്റെ ആരോപണത്തെക്കുറിച്ച് വി ഡി സതീശന്. അകന്നവര് അടുക്കുമ്പോഴും അടുത്തവര് അകലുമ്പോഴും സൂക്ഷിക്കണമെന്ന് പ്രതിപക്ഷ നേതാവ് വി ഡി സതീശന് പറഞ്ഞു. വര്ഷങ്ങള്ക്കു മുന്പാണ് കെ സുധാകരന് വനം മന്ത്രിയായിരുന്നത്.
അന്ന് ഉന്നയിക്കാത്ത ആരോപണം ഇപ്പോള് ഉന്നയിക്കുന്നതെന്തിനെന്നും സുധാകരനെതിരായ വിജിലന്സ് അന്വേഷണം സ്വാഗതം ചെയ്യുന്നുവെന്നും വി ഡി സതീശന് വ്യക്തമാക്കി. ബ്രണ്ണന് കോളേജ് വിവാദത്തിന്റെ തുടര്ച്ചയാണ് അന്വേഷണം. അന്വേഷണം രാഷ്ട്രീയമായി ഉപയോഗിച്ചാല് രാഷ്ട്രീയമായി തന്നെ നേരിടുമെന്നും സതീശന് പറഞ്ഞു.
കെപിസിസി പ്രസിഡന്റ് കെ സുധാകരനെതിരെ ഞെട്ടിക്കുന്ന വെളിപ്പെടുത്തലുമായി സുധാകരന്റെ മുന് ഡ്രൈവര് പ്രശാന്ത് ബാബു രംഗത്തെത്തിയിരുന്നു. സുധാകരന് വനംമന്ത്രി ആയിരുന്നപ്പോള് ചന്ദനക്കടത്ത് നടത്തിയെന്നും പ്രശാന്ത് ബാബു പറഞ്ഞു.
സുധാകരന് പൊതുരംഗം ക്രിമിനല്വല്ക്കരിക്കുന്നുവെന്നും സുധാകരന് 32 കോടിയുടെ അഴിമതി നടത്തിയെന്നും ആരോപണം ഉന്നയിക്കുന്നത് വ്യക്തമായ തെളിവുകളുടെ അടിസ്ഥാനത്തിലാണെന്നും പ്രശാന്ത് ബാബു പറഞ്ഞു.
അതേസമയം സുധാകരനെതിരെ വിശദമായ അന്വേഷണത്തിന് വിജിലന്സ് ശുപാര്ശ ചെയ്തു. അനധികൃത സ്വത്ത് സമ്പാദന പരാതിയിലാണ് അന്വേഷണം. സുധാകരന്റെ മുന് ഡ്രൈവര് പ്രശാന്ത് ബാബു പരാതിയില് പ്രാഥമിക അന്വേഷണം പൂര്ത്തിയായി.
കരുണാകരന് ട്രസ്റ്റിന് വേണ്ടി പിരിച്ച 32 കോടിയില് ഉള്പ്പെടെ കെ സുധാകരന് ക്രമക്കേട് നടത്തി എന്നാണ് ബാബുവിന്റെ ആരോപണം. തന്റെ കൈയില് എല്ലാ തെളിവുകളുമുണ്ടെന്നും മമ്പറം ദിവാകരന് ഉള്പ്പെടെയുളള കോണ്ഗ്രസ് നേതാക്കള് തന്നെയാണ് തനിക്ക് തെളവുകള് കൈമാറിയതെന്നും പ്രശാന്ത് ബാബു പറഞ്ഞു.
വിശദമായ അന്വേഷണത്തിന് അനുമതി തേടി സര്ക്കാരിന് വിജിലന്സ് റിപ്പോര്ട്ട് നല്കി തെളിവ് ശേഖരണത്തിന് വിശദമായ അന്വേഷണം വേണമെന്ന് വിജിലന്സ് നിലപാട്. കേസെടുത്ത് അന്വേഷണത്തിന് നിയമതടസ്സമുണ്ടോ എന്നറിയാന് വിജിലന്സ് നിയമോപദേശം തേടി.
കെ. കരുണാകരന് ട്രസ്റ്റ്, കണ്ണൂര് ഡിസിസി ഓഫീസ് നിര്മാണം എന്നിവയുമായി ബന്ധപ്പെട്ട് സുധാകരന് അഴിമതി നടത്തിയെന്നും അനധികൃത സ്വത്ത് സമ്പാദിച്ചെന്നുമായിരുന്നു ആരോപണം. കെ സുധാകരന് കെപിസിസി അധ്യക്ഷനായി ചുമതലയേറ്റതിനു പിന്നാല ജൂണ് ഏഴിന് പ്രശാന്ത് ബാബു വിജിലന്സിന് ഈ വിഷയത്തില് പരാതി നല്കുകയായിരുന്നു .
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here