ഉപഭോക്താക്കൾ കാത്തിരുന്ന ഫീച്ചറുകളുമായി ക്ലബ്ഹൗസ്. സംഭാഷണങ്ങൾ റെക്കോർഡ് ചെയ്യുന്നതടക്കമുള്ള പുത്തൻ ഫീച്ചറുകൾ ഈ മാസം അവതരിപ്പിക്കും. ഉപഭോക്താക്കൾക്ക് ക്ലബ്ഹൗസ് റൂമുകൾ റെക്കോർഡ് ചെയ്യാനും സേവ് ചെയ്യാനും കഴിയുമെന്നതാണ് ക്ലബ്ഹൗസ് പുതിയ പതിപ്പിലെ പ്രധാന സവിശേഷത.
‘റീപ്ലേയ്സ്’ എന്നാണ് ഈ ഫീച്ചറിൻറെ പേര്. മോഡറേറ്റർമാർക്കും ക്രിയേറ്ററർമാർക്കുമാണ് സംഭാഷണങ്ങൾ റെക്കോർഡ് ചെയ്യാൻ കഴിയുക. ഈ ഓപ്ഷൻ ഓൺ ചെയ്യാനും ഓഫ് ചെയ്യാനും അവർക്ക് സാധിക്കും. റൂം പബ്ലിക് ആക്കിയാൽ മാത്രമേ റെക്കോർഡ് ചെയ്യാൻ കഴിയൂ.
റെക്കോർഡിങ്ങിനൊപ്പം ഉപയോക്താക്കൾക്ക് അനുവദിക്കുന്ന മുറിയിൽ 30 സെക്കൻഡ് ദൈർഘ്യമുള്ള, പങ്കിടാൻ കഴിയുന്ന ക്ലിപ്പുകൾ സൃഷ്ടിക്കാൻ കഴിയുന്ന ഫീച്ചറും ലഭ്യമാകും. ക്ലിപ്പ് നിർമിക്കാൻ ഉപയോക്താക്കൾക്ക് ഒരു കത്രിക ഐക്കണിൽ ടാപ്പുചെയ്യാം. അത് കഴിഞ്ഞ 30 സെക്കൻഡ് ഓഡിയോ പകർത്തും. അത് ഡൗൺലോഡ് ചെയ്യാനും വ്യാപകമായി പങ്കിടാനും കഴിയും.
സെർച് ഫീച്ചർ ആണ് മറ്റൊരു പ്രത്യേകത. ഇതുപയോഗിച്ച് ആളുകൾക്ക് ഒരു കീവേഡോ പേരോ ടൈപ്പ് ചെയ്യാനും റൂമുകൾ, ആളുകൾ, ക്ലബ്ബുകൾ, ബയോകൾ എന്നിവ കണ്ടുപിടിക്കാനും കഴിയും.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
