പ്രേക്ഷകര് ആവേശത്തോടെ കാത്തിരിക്കുന്ന മോഹന്ലാല് ചിത്രം ആറാട്ടിന്റെ റിലീസിനെക്കുറിച്ചുള്ള അഭ്യൂഹങ്ങള്ക്ക് വിരാമമിട്ട് സംവിധായകന് ബി.ഉണ്ണിക്കൃഷ്ണന്.
സംസ്ഥാനത്ത് തീയറ്ററുകള് തുറക്കാന് പോവുന്ന സാഹചര്യത്തില് ‘ആറാട്ടി’ന്റെ റിലിസിനെ കുറിച്ച് മാധ്യമങ്ങളും സിനിമാ വ്യവസായമായി ബന്ധപ്പെട്ട ആളുകളും പ്രേക്ഷകരും ചോദിച്ചു കൊണ്ടിരിക്കുന്നു.
‘ആറാട്ട്’ തീയറ്ററുകളില് റിലീസ് ചെയ്യാനാണ് ഉദ്ദേശിക്കുന്നത്. എന്നാല്, വലിയ മുതല്മുടക്കുള്ള ഒരു സിനിമ റിലീസ് ചെയ്യുന്നതിനു മുന്പ് സാഹചര്യങ്ങള് കണിശമായി വിലയിരുത്തേണ്ടതുണ്ട്. അതുകൊണ്ട് തന്നെ നവംബര് മാസത്തോട് കൂടി മാത്രമേ ‘ ആറാട്ട്’ എന്ന് തീയറ്ററുകളില് എത്തുമെന്നത് പറയാന് സാധിക്കൂ. ഉണ്ണികൃഷ്ണന് ഫേസ്ബുക്ക് കുറിപ്പില് വ്യക്തമാക്കി. ചിത്രം ഒക്ടോബര് 14ന് തീയേറ്ററുകളില് എത്തുമെന്നായിരുന്നു റിപ്പോര്ട്ടുകള്.
നേരത്തെ പുറത്തെത്തിയ ചിത്രത്തിന്റെ ഫസ്റ്റ് ലുക്കും ടീസറുമൊക്കെ വലിയ പ്രേക്ഷകശ്രദ്ധ നേടിയിരുന്നു. ഉദയ്കൃഷ്ണയാണ് ചിത്രത്തിന് കഥയൊരുക്കുന്നത്. നെയ്യാറ്റിന്കര ഗോപന്റെ ആറാട്ട് എന്നാണ് ചിത്രത്തിന്റെ മുഴുവന് പേര്. നെയ്യാറ്റിന്കര ഗോപന് എന്ന കഥാപാത്രത്തെയാണ് മോഹന്ലാല് അവതരിപ്പിക്കുന്നത്.
ശ്രദ്ധ ശ്രീനാഥ് നായികയാവുന്ന ചിത്രത്തില് നെടുമുടി വേണു, സായ് കുമാര്, സിദ്ദിഖ്, വിജയരാഘവന് തുടങ്ങി വലിയ താരനിര തന്നെ അണിനിരക്കുന്നു. സംഗീതമാന്ത്രികന് എ. ആര് റഹ്മാനും ചിത്രത്തിന്റെ ഭാഗമാകുന്നുണ്ടെന്നുള്ളതാണ് മറ്റൊരു ഹൈലൈറ്റ്. ഒരു കോമഡി ആക്ഷന് എന്റര്ടെയ്നറായിരിക്കും ചിത്രമെന്നാണ് റിപ്പോര്ട്ടുകള്. വില്ലന് എന്ന ചിത്രത്തിന് ശേഷം ഉണ്ണികൃഷ്ണനും മോഹന്ലാലും ഒന്നിക്കുന്ന ചിത്രമാണിത്. പുലിമുരുകന് ശേഷം ഉദയ്കൃഷ്ണ മോഹന്ലാലിന് വേണ്ടി തിരക്കഥയൊരുക്കുന്ന ചിത്രം കൂടിയാണ് ആറാട്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here