എഴുപതാം വയസിലും നോക്കിലും വാക്കിലും നടപ്പിലുമെല്ലാം യുവത്വം മുറ്റിനിന്നിട്ടും തനിക്ക് ചേരാത്ത വേഷങ്ങളില് മമ്മൂട്ടിയെ കാണാറില്ലെന്ന് അടൂര് ഗോപാലകൃഷ്ണന്. ഇന്ത്യന് സിനിമയില് ഏറ്റവുമധികം നായകവേഷങ്ങള് ചെയ്തിട്ടുള്ള അപൂര്വം നടന്മാരില് ഒരാളാണ് മമ്മൂട്ടിയെന്നും ഈ ദീര്ഘകാല താരജീവിതത്തിന്റെ രഹസ്യം അന്വേഷിച്ചു ചെല്ലുമ്പോള് കണ്ടെത്തുന്ന അറിവുകള് ലളിതമെന്ന പോലെ അനുകരണീയവുമാണെന്നും അടൂര് ഗോപാലകൃഷ്ണന് സ്വകാര്യ മാധ്യമത്തിന് നല്കിയ അഭിമുഖത്തിൽ പറയുന്നു.
അടൂരിന്റെ വാക്കുകൾ
”വയസേറെ ചെന്നിട്ടും കൊച്ചുമക്കളുടെ പരുവത്തിലുള്ള പെണ്കുട്ടികളുടെ പിന്നാലെ ചുറ്റിയോടി റൊമാന്റിക് ഹീറോയായി നടിച്ചുരമിച്ചുപോന്നിട്ടുള്ള താരങ്ങള് നമുക്ക് അപരിചതരല്ല, മലയാളത്തിലും തമിഴിലും. ഇത്തരം ഓട്ടക്കളികള് കാണുമ്പോള് പീഡോഫീലിയയ്ക്ക് വകുപ്പുള്ള കേസാണല്ലോയെന്ന് തോന്നാറുമുണ്ട്.എന്നാല് മമ്മൂട്ടിയെന്ന നടന് ഇത്തരം കോപ്രായങ്ങള്ക്ക് ഒരുങ്ങാറില്ല. ഈ എഴുപതാം വയസിലും നോക്കിലും വാക്കിലും നടപ്പിലുമെല്ലാം യുവത്വം മുറ്റിനിന്നിട്ടും തനിക്ക് ചേരാത്ത വേഷങ്ങളില് മമ്മൂട്ടിയെ കാണാറില്ല.
ഇന്ത്യന് സിനിമയില് ഏറ്റവുമധികം നായകവേഷങ്ങള് ചെയ്തിട്ടുള്ള അപൂര്വം നടന്മാരില് ഒരാളാണ് മമ്മൂട്ടി. ഈ ദീര്ഘകാല താരജീവിതത്തിന്റെ രഹസ്യം അന്വേഷിച്ചു ചെല്ലുമ്പോള് കണ്ടെത്തുന്ന അറിവുകള് ലളിതമെന്ന പോലെ അനുകരണീയവുമാണ്.
അഭിനയസിദ്ധിയും അര്പ്പണ ബുദ്ധിയും ഈ നടനില് ഒത്തുചേര്ന്നിരിക്കുന്നു. അതുപോലെ പ്രധാനമാണ് അദ്ദേഹം കൃത്യായി പാലിച്ചുപോരുന്ന നിഷ്ടകള്. തന്റെ ഉടലും കുരലും കര്ശനമായ കരുതലോടെ സംരക്ഷിക്കപ്പെടേണ്ടതാണെന്ന ബോധ്യം ഈ നടന് സ്വതസിദ്ധമാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here