തിരുവനനന്തപുരം: പാര്ട്ടി അച്ചടക്കത്തിന് വിരുദ്ധമായി പെരുമാറിയതിന് ബിജെപി മുന് മേഖലാ പ്രസിഡന്റ് എ കെ നസീറിനെയും സുല്ത്താന് ബത്തേരി മണ്ഡലം പ്രസിഡന്റ് കെബി മദന്ലാലിനെയും പാര്ട്ടിയുടെ പ്രാഥമികാം?ഗത്വത്തില് നിന്നും സസ്പെന്ഡ് ചെയ്തതായി ബിജെപി സംസ്ഥാന അദ്ധ്യക്ഷന് കെ.സുരേന്ദ്രന് അറിയിച്ചു.
അതേസമയം സംസ്ഥാനത്ത് പാര്ട്ടിയുടെ അവസ്ഥ വളരെ സങ്കടകരമാണെന്നും പുതിയ നേതൃത്വം ജീവിത മാര്ഗമായി രാഷ്ട്രീയത്തെ ഉപയോഗപ്പെടുത്തുകയാണെന്നും എ കെ നസീര് നേരത്തെ പറഞ്ഞിരുന്നു. പുനഃസംഘടനയില് പ്രമുഖ നേതാക്കളെ എല്ലാം വെട്ടിനിരത്തി.
പാലാ ബിഷപ്പ് വിവാദത്തില് എരിതീയില് എണ്ണ ഒഴിക്കുകായണ് നേതൃത്വം ചെയ്തതെന്നും നസീര് വിമര്ശിച്ചു. ബിജെപി സംസ്ഥാന നേതാക്കള്ക്ക് സാമ്പത്തിക സുതാര്യത ഇല്ല. പണം സമാഹരിക്കാനുള്ള അവസരമായി തിരഞ്ഞെടുപ്പുകളെ നേതാക്കള് കണ്ടുവെന്നും നസീര് പറഞ്ഞു.
ബിജെപിക്ക് സംസ്ഥാനത്ത് വളര്ച്ച ഉണ്ടായിട്ടുണ്ട്. എന്നാല് ഒപ്പം നില്ക്കുന്ന പാര്ട്ടി പ്രവര്ത്തകരെ ഒരുമിച്ചുകൊണ്ടു പോകാനും ഒപ്പം നില്ക്കാനും സംഘടന ഇല്ലാത്ത അവസ്ഥയാണുള്ളത്. മെഡിക്കല് കോഴ വിവാദത്തില് സത്യസന്ധമായ റിപ്പോര്ട്ടാണ് നല്കിയത്. അതിന് ശേഷമാണ് ഒതുക്കപ്പെട്ടത്.
അന്വേഷണ റിപ്പോര്ട്ടുകള് സമര്പ്പിച്ച നേതാക്കളെല്ലാം പുറത്തുപോയ ചരിത്രമാണ് ബിജെപിക്കുള്ളതെന്നും നസീര് ഓര്മിപ്പിച്ചു.
തെരഞ്ഞെടുപ്പുകളെ ധനസമാഹരണത്തിനായി ഉപയോഗിക്കുന്നു. അങ്ങനെയുള്ള നേതാക്കളുടെ മുന്നില് പാര്ട്ടി കേരളത്തില് വളരില്ലെന്നും നസീര് വ്യക്തമാക്കി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here