എന്നും ഉച്ചയ്ക്ക് ചോറുണ്ണുന്നവരാണ് നമ്മള്‍ മലയാളികള്‍. ചോറും മീന്‍ കറിയും മോരുമൊക്കെ നമ്മുടെ നിത്യ വിഭവങ്ങളാണ്. എന്നാല്‍ ഇന്ന് ഉച്ചയ്ക്ക് ഒരു വെറൈറ്റി ഡിഷ് ആയാലോ?
വെറും അഞ്ച് മിനുട്ട് കൊണ്ട് തയാറാക്കാവുന്ന ജീരാ റൈസ് വളരെ രുചികരമാണ്. ജീരാ റൈസ് തന്നെ നമുക്ക് ഇന്ന് ഉച്ചയ്ക്ക് തയാറാക്കാം.
ചേരുവകൾ
ജീരകം – 1 ടീസ്പൂൺ
നെയ്യ് – 1 ടീസ്പൂൺ
പച്ചമുളക് – 3
ബസ്മതി റൈസ് – 1 കപ്പ്
വെള്ളം – 2 കപ്പ്
ഗ്രാമ്പൂ, വഴനയില – 2 എണ്ണം
തയാറാക്കുന്ന വിധം
ബസ്മതി റൈസ് 2 കപ്പ് വെള്ളം ചേർത്ത് വേവിച്ച് എടുക്കുക. കുഴയാത്ത പരുവത്തിൽ എടുക്കാൻ ശ്രദ്ധിക്കണം. അരി വേവിക്കുന്ന വെള്ളത്തിൽ 2 വഴനയില, 2 ഗ്രാമ്പൂ എന്നിവ ചേർക്കുക. ജീര റൈസിന് രുചി നൽകുന്നത് ഈ രണ്ട് ചേരുവകളാണ്.
ശേഷം ഫ്രൈയിങ് പാനിൽ നെയ്യ് ചൂടാക്കുക ഇതിലേക്ക് പച്ചമുളക് ചെറു ജീരകം എന്നിവ ചേർത്ത് നന്നായി വഴറ്റുക .
പച്ച മണം മാറി മൂത്തു വരുമ്പോൾ റൈസ് ചേർക്കുക നന്നായി കൂട്ടിയോജിപ്പിച്ചു വാങ്ങുക . സ്വാദിഷ്ടമായ ജീര റൈസ് റെഡി
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
