കെ റെയിലിനെപ്പറ്റി നിരവധി വ്യാജപ്രചരണങ്ങള് പ്രതിപക്ഷമുള്പ്പെടെ അഴിച്ചു വിടുമ്പോള് എന്തുകാണ്ട് സെമി ഹൈ-സ്പീഡ് റെയില് കേരളത്തിനായി തെരഞ്ഞെടുത്തു എന്ന ചോദ്യത്തിന് മറുപടി നല്കുകയാണ് മുഖ്യമന്ത്രി.
യുഡിഎഫ് ഇത്തരം ഒരു പാത ആലോചിച്ചിരുന്നു എന്നത് വസ്തുതയാണ്. അതായിരുന്നു ഹൈസ്പീഡ് റെയില്വെ. എല്ഡിഎഫ് സര്ക്കാര് ആലോചിക്കുന്നത് സെമി ഹൈ-സ്പീഡ് റെയില്വെയാണ്. ഇവിടെ അടിയന്തിര പ്രമേയം അവതരിപ്പിച്ച എം.കെ. മുനീര് ആ മന്ത്രിസഭയില് അംഗവുമായിരുന്നു.
ഹൈ-സ്പീഡ് റെയില്വെയായിരുന്നു വന്നിരുന്നുവെങ്കില് അതുണ്ടാക്കുമായിരുന്ന ആഘാതം ഇതിനേക്കാള് എത്രയോ വലുതായിരുന്നു. എല്ലാ വിശദാശംങ്ങളിലേക്കും കടക്കുന്നില്ല. സാമ്പത്തിക കാര്യം മാത്രം എടുക്കാം. മുഖ്യമന്ത്രി സഭയില് പറഞ്ഞു.
ഹൈ-സ്പീഡ് റെയില്വെ ഒരു കി.മി. പണിയണമെങ്കില് 280 കോടി രൂപയാണ് ചെലവ് വരിക. എന്നാല് എല്ഡിഎഫ് സര്ക്കാര് വിഭാവനം ചെയ്യുന്ന സെമി ഹൈ-സ്പീഡ് റെയില്വെയ്ക്ക് 120 കോടി രൂപ മാത്രമാണ്.
ഹൈ-സ്പീഡ് റെയില്വെയിലെ ടിക്കറ്റ് നിരക്ക് അന്നുതന്നെ കി.മി. 6 രൂപയായിരുന്നു. എന്നാല് സെമിഹൈ-സ്പീഡ് റെയില്വെയില് ടിക്കറ്റ് നിരക്ക് 2 രൂപയാണ്. കേരളം പോലുള്ള സംസ്ഥാനത്ത് ജനസാന്ദ്രത കൂടുതലുള്ളതിനാല് സ്റ്റോപ്പുകള് കൂടുതല് അനുവദിക്കേണ്ടിവരും.
ഹൈസ്പീഡ് റെയില്വെ പദ്ധതി കേരളത്തില് പ്രായോഗികമല്ല. കേരളം പോലുള്ള സംസ്ഥാനത്ത് ഓരോ 50 കിലോ മീറ്ററുകളിലും സ്റ്റോപ്പുകള് ഉള്ളതിനാല് അര്ദ്ധ അതിവേഗത പദ്ധതിയാണ് കേരളത്തില് പ്രായോഗികം. 11 സ്റ്റോപ്പുകളാണ് പദ്ധതിക്കായി വിഭാവനം ചെയ്തത്. സ്റ്റേഷ നുകള് തമ്മിലുള്ള കുറഞ്ഞ അകലം കാരണം ഹൈസ്പീഡ് ട്രെയിനിന് 300-500 കിലോമീറ്റര് വേഗത കൈവരിച്ചുകൊണ്ട് ഓടാന് കഴിയുന്ന ദൂരം വളരെ പരിമിതമായിരിക്കും. ഇക്കാരണത്താല് ഇരു ട്രെയിനുകളും തമ്മിലുള്ള വേഗതയില് വലിയ വ്യത്യാസമുണ്ടാകില്ല. ഉദാഹരണം എറണാകുളം മുതല് തിരുവനന്തപുരം വരെ ഹൈ സ്പീഡില് 62 മിനുട്ട് വേണ്ടി വരും.
ഇതേ ദൂരം 85 മിനുട്ട് കൊണ് സെമി ഹൈ സ്പീഡ് ട്രെയിന് സഞ്ചരിക്കും. 18 മിനുട്ടിന്റെ വ്യത്യാസമാണ് ഇവിടെ വരുന്നത്. ഇക്കാരണത്താലാണ് ഹൈസ്പീഡ് പദ്ധതി ഉപേക്ഷിച്ച് സില്വര് ലൈന് പദ്ധതി നടപ്പാക്കുന്നത്. മുഖ്യമന്ത്രി വ്യക്തമാക്കി.
നിലവിലുള്ള റെയില്വെ ലൈനുകളുടെ വികസനം മാത്രം മതിയാകുമോ?
ഇപ്പോള് നിലവിലുള്ള പാത ഇരട്ടിപ്പിക്കല് പൂര്ത്തീയാകുന്നതോടെ ഇതുവഴി ഇപ്പോള് ഓടുന്ന ട്രെയ്നുകള്ക്ക് കൃത്യസമയം പാലിക്കാന് കഴിയും. ചില പുതിയ ട്രെയിനുകളെയും ഓടിക്കാന് കഴിയുമായിരിക്കം. എന്നാല് കൂടുതല് വേഗതിയില് ട്രെയിനുകള് ഓടിക്കാനുള്ള സാഹചര്യമില്ല.
ഇതിന് സമാന്തരമായി പാത ഉണ്ടാക്കിയാല് വളവുകള് തിരിവുകള് കയറ്റിറക്കങ്ങള് തുടങ്ങിയ കൂടുതല് ഉള്ളതിനാല് വേഗത കൂടുതല് എടുക്കാനും സാധ്യമാകില്ല. അതുകൊണ്ടുതന്നെ വേഗത ലഭ്യമാകണമെങ്കില് വളവുകളും തിരിരുവളും ഇല്ലാത്ത പാത അനിവാര്യമാണ്. അതുകൊണ്ടാണ് പുതിയ പാതകളെ കുറിച്ച് ആലോചിക്കേണ്ടിവന്നത്. അതേ സമയം സമാന്തരമായി ചെയ്യാന് പറ്റുന്ന ഇടങ്ങളില് അത്തരം ഒരു നടപടി തന്നെ സ്വീകരിച്ചത്. മുഖ്യമന്ത്രി പറഞ്ഞു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here